Eugenio Jáudenes
| Biografía | |
|---|---|
| Nacemento | 18 de xaneiro de 1920  Ferrol, España |
| Morte | 31 de xaneiro de 2004 (84 anos) |
| Actividade | |
| Ocupación | regatista |
| Deporte | vela |
Eugenio Jáudenes Agacino, nado en Ferrol o 18 de xaneiro de 1920 e finado en Palma de Mallorca o 31 de xaneiro de 2004, foi un militar e regatista galego. Competiu nos Xogos Olímpicos de 1968 en Cidade de México.
Traxectoria
[editar | editar a fonte]Nado en Ferrol en 1920, elixiu a carreira militar ao igual que o seu pai, o capitán de navío Ángel Jáudenes Bárcena,[1] e nos anos 40 foi destinado a Palma de Mallorca.[2] Practicante de vela dende novo, comezou navegando na clase snipe, pasando logo á clase dragon, e gañando tres campionatos de España.[3] En 1968, xa con 48 anos e co grao de tenente coronel de Infantaría , participou nos Xogos Olímpicos de Cidade de México, onde disputou a proba da clase dragon con Ángel Riveras e Manuel Baiget, rematando na antepenúltima posición.[4]
Foi presidente do Real Club Náutico de Palma.[2]
Vida persoal
[editar | editar a fonte]Casou en 1946 coa mallorquina María de la Concepción Montaner, coa que tivo tres fillos: Concepción, Eugenio e Ángel.[2]
Notas
[editar | editar a fonte]- ↑ "Ángel Jáudenes Bárcena". dbe.rah.es (en castelán). Consultado o 10 de setembro de 2021.
- ↑ 2,0 2,1 2,2 Mercer, Esteban (6 de decembro de 2019). "Hablamos con Martina Jáudenes, la ahijada del rey Felipe VI que revolucionó a la prensa sin quererlo" (en castelán). Consultado o 10 de setembro de 2021.
- ↑ "Nueve gallegos en la Olimpiada". La Voz de Galicia (en castelán). 11 de outubro de 1968. p. 16.
- ↑ "Clase dragon nos Xogos Olímpicos de 1968". olympedia.org (en inglés). Consultado o 10 de setembro de 2021.
Véxase tamén
[editar | editar a fonte]Ligazóns externas
[editar | editar a fonte]- Datos do regatista en olympedia.org (en inglés).
- Datos do regatista no sitio web do Comité Olímpico Internacional (en inglés).