Esther Benítez Eiroa

Na Galipedia, a Wikipedia en galego.
Saltar ata a navegación Saltar á procura
Esther Benítez Eiroa
Nome completoEsther Benítez Eiroa
Nacemento15 de abril de 1937
 Ferrol
Falecemento12 de maio de 2001
 Madrid
NacionalidadeEspaña
Ocupacióntradutora
editar datos en Wikidata ]

Esther Benítez Eiroa, nada en Ferrol en 1937 e finada en Madrid o 12 de maio de 2001, foi unha tradutora galega.

Traxectoria[editar | editar a fonte]

Traduciu ó castelán a numerosos autores italianos e franceses, como Calvino, Pavese, Manzoni ou Maupassant, entre outros moitos. Traduciu tamén os libros da serie El pequeño Nicolás de Sempé e Goscinny.

En 1978, foi galardoada co premio Fray Luis de León pola súa tradución de Nuestros antepasados, de Italo Calvino, e en 1992 recibiu o Premio Nacional á Obra dun Tradutor. Esther Benítez foi tamén un membro activo e combativo tanto da Asociación Colexial de Escritores de España como da súa sección de tradutores, ACE Tradutores.

En 2006, ACE Tradutores creou o premio que leva o seu nome, destinado a premiar a mellor tradución (de calquera lingua a calquera lingua de España) publicada o ano anterior ó fallo. Unha das peculiaridades do premio é que o xurado está constituído por todos os membros da asociación.