Estadio Santiago de Compostela
Coordenadas: 12°59′00″S 38°28′23″O / -12.983333, -38.473056
| Estadio Santiago de Compostela | |
|---|---|
 | |
| Datos | |
| Localización |  Salvador, Baía |
| Construción | |
| Inauguración | 1995 |
| Estadio | |
| Capacidade | 2.000 |
| Propietario | Galícia Esporte Clube |
O Estadio Santiago de Compostela, máis coñecido como Parque Santiago ou PST, é un estadio de fútbol situado na cidade brasileira de Salvador.
Situado no barrio de Brotas, ten capacidade para 2000 espectadores e é propiedade do Galícia Esporte Clube.
Historia[editar | editar a fonte]
Comezou a ser construído na década de 1980 polo Galicia, que ata entón tiña utilizado outros estadios como o antigo Campo da Graça, o Fonte Nova ou o Pituaçu. Inaugurouse o 11 de febreiro de 1995, despois de rematar a primeira fase de construción.[1]
Uns anos antes de inaugurarse, na preparación para a Copa América de 1989, foi o campo de adestramento oficial da selección brasileira de fútbol.
Debido ás dificultades económicas do Galícia, o estadio foi construído cunha capacidade de só 2.000 espectadores. Debido aos criterios do Estatuto do Torcedor, á súa capacidade relativamente baixa e a que unha tormenta danou parte das bancadas, non se puido empregar para partidos profesionais. No seu lugar, o Galícia ten utilizado outros estadios de Salvador, principalmente o estadio Roberto Santos e, en menor medida, o Manoel Barradas, e o Octávio Mangabeira (antes da súa demolición). Con todo, o estadio usouse para adestrar e disputar partidos amigables, partidos do equipo feminino, de fútbol base e de rugby.
En 2020, durante o mandato na presidencia do Galícia de Manolo Muiños, iniciouse unha reforma do estadio, demoléndose as vellas bancadas.[2][3]
Debido á orixe galega do club, no estadio hai unha capela dedicada ao Apóstolo Santiago.[4]
Notas[editar | editar a fonte]
- ↑ "Estádio Parque Santiago". Arquivado dende o orixinal o 31 de xaneiro de 2009. Consultado o 25 de janeiro de 2009.
- ↑ "As obras serão iniciadas no Parque Santiago" (en portugués). 4 de febreiro de 2020. Consultado o 15 de marzo de 2021.
- ↑ "Arquibancadas do Parque Santiago são demolidas durante obras no CT do Galícia" (en portugués). 29 de setembro de 2020. Arquivado dende o orixinal o 05 de abril de 2021. Consultado o 15 de marzo de 2021.
- ↑ "Estadio Parque Santiago". galiciaec.com.br (en portugués). Consultado o 15 de marzo de 2021.
Véxase tamén[editar | editar a fonte]
Ligazóns externas[editar | editar a fonte]
- Páxina de Galícia Esporte Clube
- Información na páxina web "Templos do fútbol"Arquivado 03 de marzo de 2016 en Wayback Machine.
