Estadio Municipal de Anduva

Na Galipedia, a Wikipedia en galego.

Coordenadas: 42°40′51″N 2°56′8″W / 42.68083°N 2.93556°W / 42.68083; -2.93556

Anduva
Mirandes - Burgos.JPG
Ambiente na bancada de Anduva
Datos
Localización Miranda de Ebro, Burgos Flag of Castile and León.svg
España Flag of Spain.svg
Construción
Inauguración 22 de xaneiro de 1950
Custo 693.000 pesetas
Estadio
Superficie Céspede natural
Dimensións 105 x 69 m
Capacidade 6.000
Propietario Concello de Miranda de Ebro
Localía Club Deportivo Mirandés
Eventos

O Estadio Municipal de Anduva é un estadio de fútbol situado na cidade de Miranda de Ebro, España. Foi inaugurado o 22 de xaneiro de 1950, é de propiedade municipal e é utilizado polo Club Deportivo Mirandés que milita en Segunda División B.

Historia[editar | editar a fonte]

O Estadio de Anduva inaugurouse oficialmente o 22 de xaneiro de 1950, aínda que se celebrou o primeiro partido oficial o 18 de setembro de 1949 con motivo do inicio da liga. O partido inaugural, de terceira división, enfrontou ao CD Mirandés co Club Deportivo Logroñés, e o resultado foi de 0:1 a favor dos visitantes.

Dotouse ao recinto dunha capacidade para 6.000 espectadores, algúns sentados pero maioritariamente de pé, e unhas dimensións do terreo de xogo de 105 × 69 metros de céspede natural. O seu prezo ascendeu ás 693.000 pesetas.

Cos anos o estadio sufriu unha serie de modificacións como a construción de novos vestiarios, novas cubertas nos chanzos ou a construción dun campo anexo de adestramentos. No verán de 2010 o estadio sufriu unha ampliación ao construír unha bancada no fondo sur. Xunto á bancada lateral de tribuna, son os únicos espazos onde os espectadores están sentados.

En de Anduva pasaron ao longo da historia diferentes equipos de entidade como o Betis, Real Sociedade, Real Zaragoza ou Valencia CF entre outros, pero o acontecemento de maior relevancia ocorreu o 28 de febreiro de 2006, cando se celebrou o único encontro internacional que o estadio albergou. O partido enfrontou á selección de fútbol de España sub-21 contra a selección de fútbol de Polonia sub-21 e cuxo resultado final foi de 0-1 para os visitantes.[1] Aínda que non foi oficial, a selección de fútbol de Guinea Ecuatorial tamén xogou en Anduva o 8 de agosto de 2006 nun triangular contra o Club Deportivo Numancia e o Club Deportivo Mirandés.

Partidos da selección[editar | editar a fonte]

España 0 - 1 Polonia 28 de febreiro de 2006 – Estadio de Anduva, Miranda de Ebro
Asistencia: 4.000
Árbitro: Paulo Manuel Gomes Costa (Portugal)
Informe Anotado no Piszczekº minuto Piszczek' 23'
 

Notas[editar | editar a fonte]

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]