Estadio Kings Park
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. |
| Kings Park | |
|---|---|
 | |
| Datos | |
| Coordenadas | 29°49′30″S 31°01′47″L / -29.825, 31.029722 |
| Localización | Durban, Suráfrica |
| Construción | |
| Inauguración | 1958 |
| Estadio | |
| Superficie | Céspede |
| Capacidade | 46.000 |
| Propietario | eThekwini Metropolitan Municipality |
| [ editar datos en Wikidata ] | |
O Estadio Kings Park é un estadio de rugby situado en Durban (Suráfrica). Inaugurouse en 1958 e inicialmente tiña capacidade para 12.000 persoas. Renovouse na década de 1980 e de cara á Copa do Mundo de Rugby 1995. Chegou a ter capacidade para 54.000 persoas, reducidas a 46.000 tras as últimas renovacións.
Características
[editar | editar a fonte]No estadio Kings Park xoga os seus encontros como local o equipo dos Sharks, razón pola cal o estadio recibe o alcume de "Tanque de Tiburóns". Tamén adoita acoller encontros da Selección de rugby de Suráfrica.
O recinto tivo distintas denominacións por razóns de patrocinio, dende ABSA Stadium (entre 2000 e 2010), Mr Price Kings Park (en 2011 e 2012), Growthpoint Kings Park (entre 2013 e 2017), e Jonsson Kings Park (entre 2018 e 2021), ate Hollywoodbets Kings Park (dende 2022).
A menos de 200 metros do estadio Kings Park construíuse o moderno estadio Moses Mabhida, que acolleu varios encontros do Mundial de Fútbol de 2010.
Copa do Mundo de Rugby 1995
[editar | editar a fonte]O estadio empregouse como un dos recintos nos que se disputou a Copa do Mundo de Rugby 1995 da que foi anfitrión Suráfrica. O estadio acolleu tres encontros da fase de grupos, un dos cuartos de final e a semifinal na que os Springboks acadaron a clasificación para a final do torneo.
| Data | Equipo | Resultado | Equipo | Rolda | Asistencia |
|---|---|---|---|---|---|
| 27 maio 1995 | Arxentina | 18–24 | Inglaterra | Grupo B | 30.000 |
| 31 maio 1995 | Inglaterra | 27–20 | Italia | 21.000 | |
| 4 xuño 1995 | Inglaterra | 44–22 | Samoa | 20.000 | |
| 10 xuño 1995 | Francia | 36–12 | Irlanda | Cuartos de final | 18.000 |
| 17 xuño 1995 | Suráfrica | 19–15 | Francia | Semifinal | 18.000 |
