Estación de Zaragoza-Portillo

Zaragoza–Portillo
Situación	Zaragoza
Liñas
Media distancia	MD, Intercity, Rexional, Rexional Exprés
Cercanías	Proximidades Zaragoza

A estación de Zaragoza–Portillo é unha estación de tren subterránea de Adif situada na cidade de Zaragoza. Foi inaugurada en 2008 nunha parte dos terreos da histórica estación de Campo Sepulcro, principal estación da cidade ata a apertura de Zaragoza-Delicias. A antiga estación fora construída por MZA en 1864 e foi rebautizada por Renfe como Zaragoza-El Portillo en 1973.

Está integrada na liña C-1 de Proximidades Zaragoza e rexistra tráfico de trens de Media Distancia.

Situación ferroviaria

A estación forma parte da liña férrea de ancho ibérico que une Madrid con Barcelona vía Zaragoza, punto quilométrico 340,9.^[1]

Historia

A apertura da liña Zaragoza-Madrid por parte de MZA o 25 de maio de 1863 supuxo a inauguración da estación de Campo Sepulcro, recinto provisional que acolleu os primeiros viaxeiros da liña.^[2]

A construción do Ponte da Almozara permitiu a súa conexión coa marxe esquerda do Ebro e a Estación do Norte, ruta aberta en 1870, o que posibilitou conectar a través de Zaragoza as liñas Madrid-Barcelona e Barcelona-Altsasu.

As dúbidas de se a estación tería carácter terminal ou pasante así como problemas para obter os terreos necesarios dilataron a súa construción definitiva ata 1891 momento no cal a fusión entre MZA e a Compañía do Ferrocarril de Tarragona a Barcelona e Francia (TBF) despexou as dúbidas sobre o carácter pasante da estación.^[2] En 1896 púidose finalmente inaugurar a estación definitiva coa súa longa fachada de 144 metros de lonxitude dividida nun pavillón central, dous pavillóns nos extremos e dúas ás conectando todos estes elementos.^[2]

En 1967, tras o peche das antigas estacións contiguas de Cariñena, Utrillas e Caminreal pasou a ser a principal estación da cidade. En 1973, RENFE procedeu á súa ampliación e reforma modificando substancialmente o seu aspecto inicial e cambiando a súa denominación pola de Zaragoza-El Portillo ata que en 2003 foi substituída pola nova e maior Estación de Zaragoza-Delicias.

En 2008, en terreos da antiga estación inaugurouse a nova estación subterránea de Zaragoza-Portillo, na cal prestan servizos de Media Distancia e o Proximidades Zaragoza.

Servizos ferroviarios

Media distancia

Actualizado a 21 de xaneiro de 2017.


Liñas	Trens	Orixe/Destino	Destino/Orixe
	Intercity	València-Nord Cartaxena	Zaragoza-Miraflores
	Rexional Exprés	Madrid-Chamartín	Barcelona-Estació de França
	Rexional Exprés	Burgos	Zaragoza-Miraflores
	Rexional Exprés	Logroño Castejón de Ebro	Zaragoza-Miraflores Zaragoza-Delicias
	Rexional	Madrid-Chamartín Arcos de Jalón Calatayud	Zaragoza-Miraflores
34	Rexional	Móra la Nova	Zaragoza-Delicias
49	Rexional	Teruel	Zaragoza-Miraflores
56	Rexional	Jaca Canfranc	Zaragoza-Delicias

Proximidades

A estación forma parte da liña C-1 da rede de Proximidades Zaragoza operada por Renfe.

Notas

↑ Ministerio de Fomento. "Rede ferroviaria española" (PDF). Arquivado dende o orixinal (PDF) o 23 de setembro de 2010. Consultado o 9 de decembro de 2013.
↑ ^2,0 ^2,1 ^2,2 Madrid a Zaragoza Arquivado 29 de marzo de 2016 en Wayback Machine. Spanishraiway

Véxase tamén

Ligazóns externas

Información na web de Adif (en castelán)

[1] Ministerio de Fomento. "Rede ferroviaria española" (PDF). Arquivado dende o orixinal (PDF) o 23 de setembro de 2010. Consultado o 9 de decembro de 2013.

[B-2] 2,0 ^2,1 ^2,2 Madrid a Zaragoza Arquivado 29 de marzo de 2016 en Wayback Machine. Spanishraiway

[1]

[2]