Estación de Alxeciras

Estación de Alxeciras
Alxeciras
Instancia de estación de ferrocarril estación en superficie estación ferroviaria sen saída
Estado de uso en funcionamento
Persoas e organizacións
Operador/a Renfe Operadora
Propietario/a Adif
Datas  Inauguración 1890
Transporte
Servizo de conexión Altaria
Código de estación 55020
Estación de intercambio Estação rodoviária San Bernardo (pt)
Estación adxacente Estação Ferroviária Los Barrios (pt)
Liñas ferroviarias Algeciras-Bobadilla railway (en)
Número de beiras 3
Localización  Situado en Alxeciras, Provincia de Cádiz, Andalucía, España Mapa  36°06′N 5°24′O
Wikidata C:Commons

A Estación de Algeciras é unha estación de ferrocarril de Adif, situada na cidade de Alxeciras. É a terminal da liña Bobadilla-Alxeciras. Nela chegan e parten trens con destino a Ronda, Granada, Córdoba e Madrid.

Atópase moi ben comunicada, ao estar situada na antiga travesía da estrada Cádiz-Málaga, xusto en fronte dunha estación de autobuses e a 500 metros do porto e heliporto da cidade.

Historia

A primeira estación de ferrocarril de Alxeciras inaugurouse o 6 de outubro de 1890 xunto coa vía férrea Bobadilla-Alxeciras, unha infraestrutura de carácter radial que permitía comunicar a cidade co interior da provincia de Cádiz.

Antigo tren Estrella chegando á estación

Pouco antes de chegar á estación terminal, a vía bifúrcase cunha galla que chega ata o porto de Alxeciras, para permitir o transporte de mercadorías. Na actualidade esta vía está sen electrificar. Con todo, grazas á modernización das vías entre Madrid e Andalucía o tempo de percorrido deste treito diminuíu notablemente (entre Alxeciras e Madrid leva aproximadamente 5 horas e 30 minutos; e a Granada, 4 horas e 20 minutos).

A estación está ben comunicada, ao pé da N-340, e xusto en fronte da estación de autobuses.

Trens

A ela chegan e parten trens con destino a Ronda, Granada, Córdoba e Madrid.

Media distancia Renfe

O servizo A-5 de Renfe, Alxeciras-Granada, realízase tres veces ao día en ambos os sentidos, nos trens Andalucía Exprés. Tamén hai un tren diario de Ronda a Alxeciras á mañá, e outro de Alxeciras a Ronda á tarde.

liña	>	destino
A-5	Los Barrios	Ronda Granada

Longo percorrido

O servizo Altaria Madrid-Alxeciras realízase dúas veces ao día en ambos os sentidos.

Tren	Destino	Paradas intermedias	Observacións
Altaria	Madrid - Puerta de Atocha	Cidade Real-Central · Puertollano · Córdoba · Antequera-Santa Ana · Ronda	2 trens diarios

Futuro

A liña de alta velocidade Bobadilla-Alxeciras está incluída no Plan Estratéxico de Infraestruturas e Transporte 2005-2020. Actualmente atópase en execución de obras o tramo entre Bobadilla e Ronda, cunha velocidade de proxecto de 300 km/h.

Prevese que atravesar a Serranía de Ronda será unha dificultade para o trazado da liña de alta velocidade, polo que podería ter unha velocidade de proxecto máis baixa.

A estación de Alxeciras tamén será terminal do Corredor da Costa do Sol, un proxecto do Ministerio de Fomento e a Xunta de Andalucía para unir a cidade con Málaga por ferrocarril de altas prestacións.