Especie pouco preocupante

Na Galipedia, a Wikipedia en galego.
Saltar ata a navegación Saltar á procura
A categoría de Preocupación Menor na versión 3.1 de 2008 da Lista Vermella da UICN.

Unha especie considérase baixo preocupación menor (abreviado oficialmente como LC dende o nome orixinal en inglés Least Concern) cando, tras ser avaliada pola UICN, non cumpre ningún dos criterios das categorías en perigo, en perigo crítico, vulnerable ou case ameazado da Lista Vermella elaborada pola organización. En consecuencia, a categoría preocupación menor da lista inclúe a todos os taxóns abundantes e de ampla distribución, que non se atopan baixo ameaza de desaparecer nun futuro próximo, sendo por tanto o de menor risco na lista.[1]

A categoría de Preocupación Menor na versión 2.3 de 1994 da Lista Vermella da UICN.

Na versión 2.3 da Lista Vermella, de 1994 e vixente até 2001, preocupación menor era unha subcategoría de «baixo risco» (LR), sendo a súa abreviación oficial LR/lc ou (lc).[2]

A categorización en preocupación menor depende en gran medida da avaliación que se realizou da poboación da especie e a súa distribución, sendo este un dos indicadores máis importantes para realizar unha relación directa ou indirecta co risco de extinción que podería correr esa especie. Na versión 2008 da Lista Vermella, inclúense 16.226 taxóns de animais[3] e 1.449 de plantas[4] na categoría de Preocupación Menor, incluíndo ó propio Homo sapiens.[5]

Notas[editar | editar a fonte]

  1. UICN. (2001). Categorías e Criterios da Lista Vermella da UICN: Versión 3.1. Comisión de Supervivencia de Especies da UICN. Gland, Suíza e Cambridge, Reino Unido. ii + 33 pp. Dispoñible no sitio oficial da UICN.
  2. UICN. "1994 Categories & Criteria (version 2.3)". 
  3. UICN. 2008 Red List, Table 3a: Status category summary by major taxonomic group (animals) (PDF) (en inglés). 
  4. UICN. 2008 Red List, Table 3b: Status category summary by major taxonomic group (plants) (PDF) (en inglés). 
  5. UICN. "Homo sapiens en la Lista Roja".