Fred Trump
  | |
| Biografía | |
|---|---|
| Nacemento | (en) Frederick Christ Trump 11 de outubro de 1905 Bronx, Estados Unidos de América |
| Morte | 25 de xuño de 1999 (93 anos) New Hyde Park, Estados Unidos de América (en)  |
| Causa da morte | Morte natural (Pneumonía ) |
| Lugar de sepultura | Middle Village (en) |
| Datos persoais | |
| Residencia | Queens Jamaica Estates (en) |
| País de nacionalidade | Estados Unidos de América |
| Educación | Richmond Hill High School (en) (1918–1923) |
| Cor dos ollos | Azul |
| Actividade | |
| Ocupación | real estate developer (en) , investidor |
| Familia | |
| Familia | Familia Trump |
| Cónxuxe | Mary Anne MacLeod |
| Fillos | Maryanne Trump Barry (pt) , Elizabeth Trump Grau, Robert Trump, Fred Trump Jr. (pt) , Donald Trump |
| Pais | Frederick Trump (pt) e Elizabeth Christ Trump (pt) |
| Irmáns | John George Trump (pt) e Elizabeth Walter Trump (en) |
   | |
Frederick Christ Trump, nado en Nova York o 11 de outubro de 1905 e finado en New Hyde Park o 25 de xuño de 1999, foi un promotor inmobiliario e filántropo estadounidense, pai do 45º presidente dos Estados Unidos, Donald Trump.
Traxectoria[editar | editar a fonte]
Naceu no Bronx no seo dunha familia de inmigrantes alemáns luteranos, Frederick e Elizabeth Christ Trump. Ao pouco da nacenza de Fred, a familia mudou a súa residencia para Woodhaven, en Queens. Cando Fred tiña 12 anos, seu pai morreu no epidemia de gripe de 1918[1], e súa nai decidiu levar ela o negocio inmobiliario de seu home, e Fred aínda menor de idade entrou en 1923 no negocio inmobiliario, financiado por súa nai edificou a súa primeira casa [2], cambiando o nome do negocio familiar a E. Trump & Son e construíndo centos de casas en Queens nos anos seguintes[3]. Durante a Gran Depresión a empresa deixou o negocio inmobilario e Fred abriu un supermercado, que vendeu en 1933 para volver ao sector inmobiliario.[4] Durante a segunda guerra mundial construíu apartamentos e barracóns para o persoal da Armada nas proximidades dos principais estaleiros da costa leste. Despois de rematar a guerra centrou o seu negocio na construción de casas para os veteranos retornaban da guerra e complexos como o de Shore Haven en Bensonhurst en 1949 e Beach Haven próximo a Coney Island en 1950 (cun total de 2.700 apartmentos). En 1963–1964 edificou a Trump Village, un complexo de apartamentos en Coney Island. Ao longo dos anos construíu máis de 27.000 apartamentos de baixo custo e casas acaroadas en Coney Island, Bensonhurst, Sheepshead Bay, Flatbush e Brighton Beach en Brooklyn, e mais Flushing e Jamaica Estates en Queens[5]. En 1968 seu fillo, Donald, incorporouse á empresa en 1968 e en 1971 converteuse no presidente da compañía, mentres Fred permanecía como presidente do consello de administración[6]. Na primeira listaxe Forbes 400 publicada en 1982 aparecía cunha fortuna estimada de 200 millóns de dólares, compartida co seu fillo Donald [7].
Notas[editar | editar a fonte]
- ↑ Rozhon, Tracie. "Fred C. Trump, Postwar Master Builder of Housing for Middle Class, Dies at 93". The New York Times, 26 de xuño de 1999]
- ↑ Whitman, Alden. "A builder looks back—and moves forward". New York Times, 28 de xaneiro de 1973.
- ↑ Barrett, Wayne (2016). Trump: The Greatest Show on Earth: The Deals, the Downfall, the Reinvention. Simon & Schuster. p. 63.
- ↑ D'Antonio, Michael (2015). The Truth About Trump. St. Martin's Press. pp. 31 & 34
- ↑ Whitman, Alden. "A builder looks back—and moves forward". New York Times, 28 de xaneiro de 1973.
- ↑ Blair, Gwenda (2015). Donald Trump: The Candidate. Simon & Schuster. p. 23.
- ↑ Wang, Jennifer . "The Ups And Downs Of Donald Trump: Three Decades On And Off The Forbes 400". Forbes, 24 de marzo de 2016
