Academia de l'Aragonés

A Academia do aragonés (Academia de l'Aragonés na lingua aragonesa) é un órgano creado o 15 de xullo de 2006 polo II Congreso de l'Aragonés con o fin de ser a autoridade lingüística do aragonés. Na actualidade carece de recoñecemento explícito polo Guberno de Aragón, sendo a súa forma xurídica a dunha asociación cultural baixo o nome Estudio de Filología Aragonesa, pero é coñecida por todos como 'Academia de l'Aragonés'. Ten a súa sede en Samianigo.

Obxectivos da Academia

Os obxectivos da Academia, segundos as ordenanzas emanadas do dito congreso, son:

• Investigar todas as manifestacións orais e escritas do aragonés.
• Achegar e actualizar o seu léxico.
• Fixar a súa toponimia e onomástica.
• Investigar e formular leis ortográficas, gramaticais e fonéticas para todas as modalidades do aragonés.
• Fixar, desenvolver e mellorar a modalidade estándar.
• Procurar o respeito dos dereitos lingüísticos dos seus falantes.

O seu primeiro consello de goberno provisorio estivo presidido por José Lera. O primeiro pleno foi celebrado o 28 de outubro de 2006 na Deputación Provincial de Zaragoza, estabelecendose así nel un novo consello de goberno para a Academia, eleito consonte as ordenanzas, con Manuel Castán como presidente.

Membros da Academia

A lista actual de membros da Academia de l'Aragonés é a que segue:

• Carlos Abril.
• Chusé Aragüés, Vocal de Decumentazión.
• Mª Pilar Benítez Marco.
• Manuel Castán, Presidente.
• Juan José Lagraba, Tesoureiro.
• Óscar Latas.
• José Lera, Vocal de Coordinación.
• Chabier Lozano, Vicepresidente.
• Manuel Marqués.
• Francho Rodés, Vocal de investigación.
• Fernando Romanos, Vocal de Sociolingüistica.
• Ánchel Lois Saludas.
• Fernando Sánchez, Secretario.
• Chusé María Satué.
• Juan Jose Segura, Vocal de Codificación.
• Roberto Serrano.
• Ana Tena.
• Rafel Vidaller.
• Quino Villa.
• Antonio Plaza Boya (desde o 24 de novembro de 2007)

Académicos de Honra

O 14 de maio de 2007, a Academia de l'Aragonés, axuntada en sesión estraordinaria, nomeou aos seus cinco primeiros Académicos de Honra, que receberon homaxe o 24 de novembro de 2007 na sede do Goberno de Aragón. Esta lista foi ampliada o 12 de abril de 2008, con a proclamación como Académico de Honra de Michael Metzeltin, catedratico de Lingüística e Didáctica das Linguas Románicas da Universidade de Viena.

Os Académicos de Honra son:

• Nieus Luzía Dueso Lascorz
• Juan José Guillén Calvo
• Artur Quintana i Font
• Brian Mott
• Rosario Ustáriz Borra
• Michael Metzeltin

Ver tamén

• Lingua aragonesa.

Ligazóns externas

• Páxina oficial