Nieus Luzía Dueso Lascorz

Na Galipedia, a Wikipedia en galego.
Saltar ata a navegación Saltar á procura
Nieus Luzía Dueso Lascorz
Nome completoNieus Luzía Dueso Lascorz
Nacemento1930
 Plan
Falecemento4 de marzo de 2010
 Barbastro
NacionalidadeEspaña
Ocupaciónescritora
editar datos en Wikidata ]

Nieus Luzía Dueso Lascorz, nada en Plan en 1930 e finada en Barbastro o 4 de marzo de 2010[1][2], foi unha escritora do Bal de Chistau, en Aragón, que desenvolveu a súa produción literaria en lingua aragonesa.

Traxectoria[editar | editar a fonte]

De entre a obra poética de Nieus Luzía Dueso destaca Al canto'l Zinqueta (1980), colección de poemas ambientados no seu val natal. Pero, a parte máis significativa da súa produción literaria encóntrase na recompilación e recreación narrativa de lendas populares do Val de Xistaín, patente en Leyendas de l'Alto Aragón, en La Fuen de la Siñora e nas súas máis recentes obras, Dios m'en guarde! (2007) e Santamaría (2007).

Nieus foi galardoada en 1982 cun Onso d'oro no Primeiro Certame Literario Val d'Echo pola súa obra Leyenda del siñó de San Chuan.

Publicou numerosos artigos en revista como Argensola, Luenga e Fablas e Fuellas, relacionados sobre todo con contos e lendas das tradición oral do alto Aragón, así como tamén novelas curtas como Marieta (1991).

Notas[editar | editar a fonte]

  1. (en castelán)"Fallece la escritora chistavina Nieus Lucía Dueso Lascorz", artigo en Diario del Alto Aragón, 6 de marzo de 2010 (consultado o 6 de marzo de 2010)
  2. (en castelán) Adiós a la escritoria chistabina Luzía Dueso, en o Diario del Alto Aragón, 8 de marzo de 2010 (consultado o 8 de marzo de 2010)