Francisco Suárez García

Francisco Suárez García

Biografía
Nacemento	31 de marzo de 1827 Ferrol, España
Morte	15 de marzo de 1900 (72 anos) Ferrol, España
Alcalde
Datos persoais
País de nacionalidade	España
Actividade
Ocupación	xornalista , escritor , autor
Lingua	Lingua castelá

Francisco Suárez García, nado en Ferrol o 31 de marzo de 1827 e finado na mesma cidade o 15 de marzo de 1900, foi un xornalista, escritor e político galego.

Traxectoria

Estudou para piloto da Armada, pero abandonou a carreira naval en 1848. Emigrou a Uruguai e Arxentina, onde ocupou diversos cargos e colaborou en publicacións como El Comercio, Diario de Corrientes. En 1857 foi designado director de Instrución Pública da República Arxentina e publicou o tratado Puntualización y ortografía. Regresou a Ferrol en 1860 e estableceu unha academia de ensino. En 1867 mercou a imprenta coruñesa de C. Míguez e trasladouna a Ferrol onde imprimiu diversos xornais e dirixiu El Eco Ferrolano (1864-1869). Presidente do comité do Partido Republicano Democrático Federal, foi alcalde da cidade tras o pronunciamento antimonárquico da Armada, en outubro de 1868. En 1871 fundou o periódico El Trabajo, dende o que preconizou o diálogo con calquera opositor político. Participou na sublevación federalista-cantonal ferrolá de outubro de 1872 e en 1873 foi elixido deputado por Ferrol. Coa Restauración estivo desterrado en Portugal e, expulsado, exiliouse en París ata 1877. Interveu nas conspiracións republicanas do último terzo do século XIX, e mantivo a súa actividade como propagandista fundando e dirixindo La Democracia. Foi un dos fundadores do Ateneo Artístico (1879) e pertenceu á xunta que dirixiu a Escola de Artes e Oficios ferrolá.

Obras

Álbum de la Caridad. Juegos Florales de La Coruña en 1861.

• Los guaranies o la cruz milagrosa, 1861.
• Los invasores.
• Los demócratas.
• El Ángel de la libertad.
• Grandal, 1897.

Véxase tamén

Bibliografía

• Couceiro Freijomil, Antonio (1951-53). Diccionario Bio-bibliográfico de Escritores (en castelán). Bibliófilos Gallegos. 
• Dicionario biográfico de Galicia. Ir Indo Edicións. 2010-2011. 
• Máiz, Bernardo (2005). Gran Enciclopedia Galega Silverio Cañada (DVD). El Progreso. ISBN 84-87804-88-8. 

Ligazóns externas

• Biografía (en castelán)
• Ficha no Congreso dos Deputados

Predecesor: ?

Alcalde de Ferrol  1868

Sucesor: ?