Molina de Aragón: Diferenzas entre revisións
m Bot: Engado: cbk-zam:Molina de Aragón |
m r2.7.3) (Bot: Elimino: cbk-zam:Molina de Aragón |
||
Liña 43: | Liña 43: | ||
[[an:Molina d'Aragón]] |
[[an:Molina d'Aragón]] |
||
[[ca:Molina de Aragón]] |
[[ca:Molina de Aragón]] |
||
[[cbk-zam:Molina de Aragón]] |
|||
[[de:Molina de Aragón]] |
[[de:Molina de Aragón]] |
||
[[en:Molina de Aragón]] |
[[en:Molina de Aragón]] |
Revisión como estaba o 1 de marzo de 2013 ás 01:58
Molina de Aragón é unha localidade e un concello da provincia de Guadalaxara, na comunidade autónoma de Castela - A Mancha. A súa poboación era de 3.656 habitantes en 2006.
O municipio, de 168 km2, limita polo norte con o de Rueda de la Sierra, polo noroeste con Tortuera e máis Embid, polo leste con Campillo de Dueñas e La Yunta, polo sudeste con Castellar de la Muela, polo sur con Prados Redondos, polo sudoeste con Castilnuevo, polo oeste con Corduente e polo nordeste con Rillo de Gallo.
Xeografía
Hidrografía
O río Gallo atravesa a poboación. Compre tamén lembrar La Cava, unha rambla ou torrente que polo xeral leva auga e que no ano 1930 produciu graves inundacións.
Economía
Molina é unha vila dedicada ao comercio e aos servizos, con escasa industria. É o centro administrativo comarcal dunha área eminentemente agrícola e gandeira, cun incipiente turismo rural atraido pola natureza.
Historia
O nome actual da poboación procede da súa antiga pertenza á Coroa de Aragón. Pese a que foi tomada por Castela aos musulmáns, durante a guerra entre Castela e Aragón de 1356-1369, a vila (coñecida como Molina de los Caballeros, Molina de los Condes ou, simplemente, Villa de Molina) e máis a súa comarca pasaron ao reino de Aragón.
No ano 1375 foi reconquistada polas tropas de Pedro o Cruel de Castela, durante unha expedición de castigo contra os aragoneses que daban apoio a seu irmán bastardo Henrique na guerra que ambos mantiñan polo trono castelán. O exèrcito chegou mesmo a conquistar Teruel, mais nos tratados de paz seguintes os casteláns retiraríanse de todos os territorios e localidades ocupadas, salvo da contorna de Molina, que sería coñecida a partir de entón como de Aragón. A vila de Molina, residencia habitual de Pedro I desde aquela altura, foi considerado como un territorio aparte, en mans do rei, costume que perdurou até a actualidade, xa que entre os títulos señoriais do rei de España, Xoán Carlos I, continúa a figurar o de "Señor de Molina".
Monumentos e lugares de interese
- O Castelo ou Alcácer, un dos maiores de España.
- A ponte románica.
- A igrexa e o convento de San Francisco.
- A igrexa de Santa Clara.
En xeral a vila conserva boa parte do seu patrimonio medieval e ds idade moderna.
Contorno ambiental
Molina está situada moi preto do parque natural do Alto Texo, que posúe especies mediterráneas de montaña alta e mediana, en óptimo estado de conservación. Constitúe ademais unha dos maiores áreas de canóns fluviais do interior peninsular. O parque conecta aínda con zonas turísticas e paisaxísticas como son a Serranía de Cuenca ou os Montes Universales (Teruel).
A 11 km de Molina de Aragón se sitúa a ermida románica da Virxe do Congosto, no interior dun barranco espectacular.
Festas locais
- As festas patronais son as do Cristo de Las Victorias (1 de setembro).
- Nosa Señora do Carmo (16 de xullo), declarada de interese turístico rexional.
- A Inmaculada (8 de decembro).
- A loia á Virxe do Congosto (domingo de Pentecoste).
- A Feira Medieval (terceira fin de semana de xuño).
- O entroido.