Lloyd's Register

Lloyd's Register
Tipo	Sociedade de clasificación
Fundación	1760
Localización	71 Fenchurch St, Londres, Reino Unido
Persoas clave	Thomas Thune Andersen (presidente) Richard Sadler (CEO)
Industria	Naval, química, enerxía, gas e petróleo
Produtos	Asesoramento, avaliación de riscos
Número de empregados	7555
Na rede
http://www.lr.org/
[ editar datos en Wikidata ]

Sede de Lloyd's Register en Londres.

Lloyd's Register é un grupo adicado á clasificación de buques e industrias navales. É unha organización independente sen ánimo de lucro adicada ao asesoramento naval e industrial, avaliación de riscos, certificación de servizos e sistemas de xestión. Durante o século XX diversificou o negocio naval a outros sectores como o petróleo e o gas, industrias, enerxía nuclear e ferrocarril.

Lloyd Ltd Quality Assurance (LRQA) tamén ofrece asesoramento en sistemas de certificación ISO9001 , ISO14001 e OSHAS18001 . As orixes da sociedade están en Lloyd 's Register of Shipping empresa adicada á clasificación de buques. Lloyd's Register é a máis antiga sociedade de clasificación de buques do mundo e unha das tres maiores do mundo. As outras dúas son: American Bureau of Shipping e Det Norske Veritas.

Non debe ser confundida con Lloyds Bank, Lloyd's of London ou Lloyd's List.

Historia

A orixe da sociedade está no mercado de seguros de Londres, Lloyd's of London. No século XVII no café de Edward Lloyd reuníanse armadores, aseguradores, comerciantes, mariños e outros. O propietario do café comezou a publicar unha folla ca información que lle daban e escoitaba aos clientes. En 1760, a Register Society estaba formada polos clientes da cafetería que montou o Register of Shipping, é o primeiro rexistro naval coñecido do seu tipo. Entre 1800 e 1833, unha liorta entre armadores e aseguradores fixo que cada un publicara una lista independente: o "Libro Vermello" e o "Libro Verde".

Rexistro de buques

LR no disco Plimsoll, iniciais que deben levar tódolos buques rexistrados por Lloyd's.

A Sociedade de clasificación imprimiu o seu primeiro Rexistro de Buques en 1764 para dar unha idea aos aseguradores e os comerciantes do estado dos buques que aseguraban e fletaban. Os cascos dos buques foron clasificados nunha escala de letras (dende A, a mellor). O equipamento dos buques (paus, aparellos e outros equipos) clasificouse por número (dende 1, o mellor). O mellor buque co mellor equipamento era clasificado como "A1", clasificación empregada por primeira vez na edición do Rexistro de 1775-76. Canto mellor era esta clasificación menos cobraban as aseguradoras aos armadores polo frete do buque. O buque podía cumprir unha parte da normativa pero non outra. Dende finais do século XX só existe a clasificación A1, cumprimento de toda a normativa.

O Rexistro publícase anualmente con información sobre tódolos buques e artefactos flotantes mariños autopropulsados de igual ou máis de 100 toneladas de arqueo bruto. Un buque queda rexistrado en Lloyds ata que afunda, naufrague ou sexa despezado.

O Rexistro foi publicado primeiramente pola empresa conxunta de Lloyds Register-Fairplay, constituída en xullo de 2001 pola fusión de Lloyd's Register's Maritime Information Publishing Group e Prime Publications Limited. Lloyd vendeu a súa participación na empresa a IHS en 2009.

Normas de clasificación

Lloyd ofrece garantía de calidade e certificación de buques, plataformas Off Shore e en terra instalacións como centrais eléctricas e infraestrutura ferroviaria. Lloyd é máis coñecido pola clasificación e certificación de buques, e inspecciona e aproba importantes compoñentes e accesorios, incluídos o equipamento de salvamento, prevención da contaminación mariña, protección contra incendios, navegación, equipamento de radiocomunicacións, equipo de cuberta, cadeas, rodetes e áncoras. As normas de certificación inclúen toda a vida do buque. Dende o deseño inicial ata o seu mantemento pasando pola construción, probas de mar e certificación de tódalas reparacións.

Normativa para buques

Certificado Lloyd's Register para liña de carga (marca Plimsoll).

A normativa de clasificación de Lloyd para buques deriva dos principios da Enxeñería Naval e a experiencia náutica. Son aplicacións de seguridade e operación para buques mercantes (graneis sólidos e líquidos, contedores, carga rodante, etc), militares e buques particulares de todo o mundo.

A normativa refírese a:

• Materiais utilizados para a construción do buque
• Requirimentos estruturais dos buques e mínimas seccións dos materiais
• Uso e mantemento da maquinaria principal e auxiliar
• Uso e mantemento dos sistemas de emerxencia e control

Existen normativas específicas en función de cada tipo de buque: mercantes, buques de guerra, trimaráns, embarcacións para fins especiais e Off Shore.

Un buque está in class se cumpre con tódolos requisitos mínimos das Reglas de Lloyd, e nun estado que permita a posibilidade do buque para conseguir un seguro. O certificado in class pode ser retirado ao buque se está en violación dos regulamentos e non mantén os requisitos mínimos estipulados pola empresa. En circunstancias excepcionais pódese xustificar unha dispensa especial do Rexistro de Lloyd. Calquera alteración do buque, si é unha alteración estructural ou na maquinaria, deberá ser aprobada por Lloyds Register antes da súa aplicación, durante a mesma e unha vez feita.

Os buques son inspeccionados periodicamente por un equipo de inspectores Lloyd, un dos controis máis importantes son os anuais da liña de carga. A inspección do casco para asegurarse de que la liña de carga non foi alterada. Outras inspeccións como a estanquidade das comportas e escotillas, barreiras de seguridade e barandillas. Unha vez finalizada satisfactoriamente o buque está autorizado a operar un ano máis, e expídese un certificado de francobordo.

Véxase tamén

Ligazóns externas

• Páxina web de Lloyd's Register
• Lloyd's Registers
• Lloyd's Register - Fairplay Ltd.
• Lloyd's Register Quality Assurance
• IACS - International Association of Classification Societies, asociación internacional de sociedades de clasificación