American Bureau of Shipping
| American Bureau of Shipping | ||||
|---|---|---|---|---|
| Tipo | sociedade de clasificación e organización sen ánimo de lucro  | |||
| Forma xurídica | Not-for-profit Corporation e 501(c)(6) organization (en)  | |||
| Persoas e organizacións | ||||
| Matriz | ABS Group of Companies, Inc (en) | |||
Cadro de persoal
| ||||
Entidades subsidiarias
| ||||
| Actividade | ||||
| Industria | transporte marítimo | |||
| Data | ||||
| Fundación | 1862 | |||
| Localización | ||||
| ||||
| País | Estados Unidos de América | |||
| Sede | Houston | |||
| Contacto | ||||
| Páxina WEB | eagle.org | |||
| Teléfono | +1-281-877-6000 | |||
| Redes |     | |||
| [ Wikidata ] | ||||
American Bureau of Shipping (ABS) é unha Sociedade de clasificación con sede en Houston, Texas. ABS foi fundada en 1862 e actualmente é unha das tres empresas líderes no seu sector a nivel mundial, xunto coa británica Lloyd's Register e a norueguesa Det Norske Veritas. A finais de 2006 ABS tiña clasificados máis de 10.000 buques mercantes e instalacións Off Shore. ABS presta os seus servizos en avaliación de deseños navais, construción de buques e resistencia estrutural.
Historia
[editar | editar a fonte]ABS iniciou as súas operacións navais en 1862 no estado de Nova York no fletamento de buques e certificacións. ABS naceu da necesidade de autorregulación da industria, ABS publicou as súas normas técnicas, as regras relativas á inspección e clasificado dos buques de madeira en 1870. Cando a era dos buques de madeira deu paso ao ferro, ABS estableceu normas para estas estruturas, en 1890. Cando o ferro deu paso ao aceiro, as regras de ABS para a construción e clasificar dos buques de aceiro adaptáronse ao novo material. Estas regras para buques con casco de aceiro seguen a ser publicadas e revisadas anualmente.
ABS clasificación de buques
[editar | editar a fonte]As sociedades de clasificación certifican que o buque se deseña, constrúe e opera segundo as súas normas. Se nas inspeccións periódicas os buques non seguen a cumprir estas normas a certificación queda suspendida ou cancelada. A normativa de ABS derívase de datos empíricos, experiencias, información técnica e profesional, coñecementos de enxeñería naval e náutica e doutras disciplinas e normativas internacionais.
Cando un armador contrata a construción dun novo buque a sociedade de clasificación elixida polo armador supervisa todo o proceso de deseño, construción e as probas para a entrega do buque. No estaleiro persoal técnico de ABS comproba que se están a seguir os deseños e procedementos acordados.
ABS e o Prestige
[editar | editar a fonte]American Bureau of Shipping é a sociedade de clasificación que certificou o Prestige. O Goberno Español levouna aos tribunais nunha demanda civil en Nova York[1]. En 2007 os tribunais fallaron que unha sociedade de clasificación non é unha persoa e non é responsable dos danos. Estados Unidos tampouco asinou o convenio internacional de verteduras no mar polo que non é competente para xulgar o caso. O Goberno Español apelou e en agosto de 2010 o caso foi rexeitado ao non haber casos precedentes de responsabilidades esixidas por estados costeiros[2].
