Wikipedia:Páxina de conversa

Para ler unha pequena introdución ao máis básico das páxinas de conversa véxase Axuda:Introdución ás páxinas de conversa.

Na Wikipedia existen dous tipos de páxinas de conversa, chamadas ás veces de discusión:

• As páxinas de conversa asociadas a cada artigo, cuxo propósito é o de proporcionar un espazo para os editores discutiren as mudanzas dentro da propia páxina en cuestión ou o proxecto asociado. Nelas trátanse temas relevantes só para ese artigo e que convén ler antes de mudar cousas no corpo do mesmo por se cadra xa se debateron con anterioridade. As páxinas de conversa de artigos non deben de ser usadas por editores a modo de plataformas para exporen os seus puntos de vista individuais. Os valores principais da páxina de conversa son a comunicación, a cortesía e a consideración.
• As páxinas de conversa de cada usuario, que se empregan para comunicarse cos demais usuarios e para deixarlles mensaxes.

Toda páxina conta cunha páxina de conversa a excepción das localizadas no espazo de nomes Especial:. Se aínda non se iniciou ningunha conversa sobre unha páxina, a ligazón para a súa páxina de conversa aparecerá en vermello. Pódese acceder a ela: serás quen primeiro o faga.

Acceso a unha páxina de conversa

Para acceder a unha páxina de conversa deberás procurar a ligazón que di conversa que aparece na parte superior da páxina.

Unha páxina de conversa engádelle Conversa: ao comezo do título da páxina principal. Este artigo que estás a ler está no espazo de nomes Wikipedia, polo que a súa páxina de conversa asociada é Conversa Wikipedia:Páxina de conversa. A Portada está no espazo de nomes principal, polo que a súa páxina de conversa é simplemente Conversa:Portada.

Se outro usuario edita a túa páxina de conversa de usuario, aparecerá automaticamente a mensaxe "Ten mensaxes novas" en todas as páxinas que visites mentres non vaias á túa páxina de conversa.

Uso das páxinas de conversa

Deberías asinar as túas contribucións escribindo tres ou catro tiles (AltGr+4):

• (~~~ = O teu nome de usuario)
• (~~~~ = O teu nome de usuario hora:minutos, día mes ano (UTC)).

Se vas tratar sobre o título da páxina ou propor que se xunte o contido co de outra páxina, menciona sempre a páxina actual: unha vez movida, as referencias a "este título" perderían sentido.

Nunha páxina de conversa, "esta páxina" refírese normalmente á páxina actual (ou sexa, a páxina á que está asociada a páxina de conversa). Se o que pretendes é falar da propia páxina de conversa, refírete a ela como "esta páxina de conversa".

O símbolo + que aparece ao lado de "editar esta páxina" permite que se cree unha sección automaticamente e pide xa un título.

Non é aceptábel a práctica do "spamming" ou "cross-posting", consistente en colocar mensaxes semellantes en varias páxinas de conversa, especialmente de usuarios, co propósito de solicitar algo. Non o fagas. Dálle tempo ao tempo.

Formato

O software que está detrás do wiki permite moitos estilos de formato. Nos artigos principais vaise adecuando o texto conforme se fai editando pero, como nas páxinas de conversa non se editan os comentarios dos usuarios anteriores, convén seguir desde o principio unhas convencións que permitan a lectura doada e seguir o desenvolvemento das ideas.

• Escribe sempre na parte inferior da páxina de conversa ou da sección sobre a que queiras comentar, non antes. Nesta wikipedia asumimos que a sucesión cronolóxica dentro de cada sección vai de arriba a abaixo. Non empeces unha sección nova ao principio da páxina de conversa: non será máis visíbel porque o usuario lerá sempre a mensaxe que lle escribas por causa do aviso que se lle mostra.

• Comeza unha sección nova para tratar un tema novo: non trates doutra cousa porque entón o fío discursivo perderase. Tampouco inicies unha sección nova se xa existe: a conversa fragmentarase e non todos lerán os mesmos argumentos.

• Cando respostes a unha mensaxe podes facer de varias maneiras:
  • colocar dous puntos (':') antes. Cada dous puntos representa un salto de tabulador.
  • colocar un asterisco (*) antes: O asterisco crea unha lista. Este é actualmente o procedemento máis seguido na Galipedia.

Un exemplo do primeiro é o seguinte:

Que tal o leite? --[[Bob]] :Moi ben!! --[[Lisa]] :Non está mal. --[[George]] ::Fíxeno eu! --[[Bob]] Penso que a conversa sobre o leite debería trasladarse a [[Conversa:Leite]]. --[[Lisa]] :Non estou de acordo. --[[George]]

Que produciría algo así:

Que tal o leite? --Bob Moi ben!! --Lisa Non está mal. --George Fíxeno eu! --Bob Penso que a conversa sobre o leite debería trasladarse a Conversa:Leite. --Lisa</nowiki> Non estou de acordo. --George

---

Volver á páxina de axuda.