Francisco Javier González Pérez: Diferenzas entre revisións
Sen resumo de edición |
|||
Liña 56: | Liña 56: | ||
[[Categoría:Xogadores do Deportivo de La Coruña B]] |
[[Categoría:Xogadores do Deportivo de La Coruña B]] |
||
[[Categoría:Xogadores do Deportivo de La Coruña]] |
[[Categoría:Xogadores do Deportivo de La Coruña]] |
||
[[Categoría:Xogadores da selección de fútbol de España]] |
|||
[[ca:Francisco Javier González Pérez]] |
[[ca:Francisco Javier González Pérez]] |
Revisión como estaba o 18 de marzo de 2011 ás 16:14
Modelo:InfFut2 Francisco Javier González Pérez, máis coñecido como Fran, nado o 14 de xullo de 1969 en Carreira (Ribeira), é un ex futbolista galego.
Interior zurdo cun toque de balón excepcional e unha non menor visión de xogo, destaca sobre todo polos seus precisos centros dende a banda esquerda. Foi posiblemente o xogador galego máis destacado desde Luis Suárez.
Traxectoria
Comezou a súa carreira deportiva no equipo da súa vila natal, o Carreira CF até o ano 1986, no cal pasa ó Fabril Deportivo e posteriormente ó Deportivo da Coruña.
Fran foi cotizado polos grandes clubs españois: Real Madrid CF, co que asinou un precontrato que debería entrar en vigor na tempada 1995-96 e que Lendoiro recomprou a tempo por 260 millóns de pesetas; e FC Barcelona, onde Johan Cruyff ao final desa mesma tempada insistiu na súa fichaxe debida á súa afinidade co estilo de xogo do equipo culé, mais a intransixencia de Lendoiro a negociar o traspaso, a menos que pagasen os 2.000 millóns da súa cláusula, disuadiu ao club catalán de calquera intento de contratalo. A tempada 1995-96, con John Toshack no banco, foi persoal e colectivamente unha das peores para Fran. Por distintos motivos nunca chegou a render ao nivel que tiña afeitos aos seus seguidores, e ademais unha lesión pechoulle todas as portas, se tiña aberta algunha, de acudir á Eurocopa de Inglaterra. Foi operado do xeonllo esquerdo o 9 de maio de 1996, intervención que lle obriga estar tres meses de baixa. Nos anos seguintes os éxitos do Deportivo e de Fran continuaron chegando á culminación co título de liga logrado no ano 2000, ano en que Fran ademais foi convocado para a Eurocopa de Holanda e Bélxica.
Retirouse en xuño de 2005, tras 17 anos no primeiro equipo deportivista.
Palmarés
- Liga de España (1): 1999–00.
- Copa do Rei (2): 1994–95, 2001–02.
- Supercopa de España (3): 1995, 2000, 2002.