Megalópole de Kansai

Xigantesca conurbación, tamén coñecida coma Keihanshin, no centro da illa máis grande do Xapón, a de Honshu. Esténdese pola chaira de Osaka (Osaka Heiya), e as costas da baía homónima, así como pola chaira próxima de Nara, ata as beiras do lago Biwa, cara o norte, ao nordeste de Kyoto, o maior do país e provisión do auga da megalópole.

Correspóndese en termos xerais coa rexión histórica de Kansai, a das antigas cidades do oeste (en relación con Toquio, a capital do leste): así Nara e Kyoto, primeiras capitais imperiais dun Xapón unificado e a maior e principal da aglomeración, Osaka (ver a súa historia urbana), segundo centro comercial, industrial e cultural do país ademais de porto importante, coma o de Kobe, na costa oeste da baía. Himeji, aínda máis cara o oeste, é tamén porto e unha cidade histórica co seu famoso castelo.

Megalópole de Kansai:

• Prefectura de Osaka................................8.810.000
• Prefectura de Nara (metade norte)..................1.300.000
• Prefectura de Hyogo (metade sur)...................4.800.000
• AM Kyoto...............................................1.900.000
• Prefectura de Shiga................................1.250.000
• Prefectura de Wakayama (metade norte)................750.000
• Ueno+Nabari (prefectura de Mie)......................200.000

Referencias

• imaxe actualizada do satélite