Escolas Jesús García Naveira
Coordenadas: 43°16′58″N 8°12′41″O / 43.282716148695, -8.2113563306002
As Escolas Jesús García Naveira son un centro educativo situado en Betanzos, inaugurado en 1917.
Características[editar | editar a fonte]
Jesús García Naveira deixou establecidas varias doazóns a través dun legado ológrafo outorgado en 1911, entre elas a de 50.000 pesetas para a creación dunhas escolas co seu nome, a cambio de que o Concello de Betanzos doase os terreos necesarios. Tras varios debates, acabou establecéndose a obra nas inmediacións da igrexa de San Francisco, onde continua funcionando como escola municipal infantil.[1]
O edificio, de estilo ecléctico, foi deseñado polo arquitecto Rafael González Villar, tomando como inspiracións elementos habituais das súas obras e tamén a reminiscencia do desaparecido convento de San Francisco. Estaba composto unicamente por dúas aulas, unha para nenos e outra para nenas.
Notas[editar | editar a fonte]
- ↑ Fuente García, Santiago de la (1999). "Los hermanos García Naveira y sus fundaciones". Anuario Brigantino (22): 395–434.
Véxase tamén[editar | editar a fonte]
Bibliografia[editar | editar a fonte]
- Arcay Barral, Ángel (2020). El Parque del Pasatiempo de Betanzos. Betanzos: autoedición.