Ernest Burgess

Ernest Burgess

Nome orixinal	(en) Ernest Watson Burgess
Biografía
Nacemento	16 de maio de 1886 Tilbury, Canadá (en)
Morte	27 de decembro de 1966 (80 anos) Chicago, Estados Unidos de América
President of the American Sociological Association (en)
1934 – 1934
Datos persoais
País de nacionalidade	Canadá Estados Unidos de América
Educación	Universidade de Chicago - Doutor en filosofía (–1913) Kingfisher College (en) - título de grao (–1908)
Director de tese	Albion Woodbury Small (pt)
Actividade
Campo de traballo	Socioloxía
Ocupación	sociólogo , criminólogo , mestre
Empregador	Universidade de Chicago Universidade do Kansas (pt)
Membro de	Asociación Americana para o Avance das Ciencias
Obra
Doutorando	Albert J. Reiss

Ernest Watson Burgess, nado o 16 de maio de 1886 en Tilbury, Ontario e finado o 27 de decembro de 1966, Chicago foi un sociólogo canadense. Representou á Escola de Socioloxía de Chicago de orientación socioecolóxica, que desenvolveu a socioloxía urbana nos Estados Unidos nos anos vinte. En 1934 foi Presidente da American Sociological Association, en 1952-1953 foi o primeiro presidente da Society for the Study of Social Problems (SSSP). Foi o primeiro, xunto con Robert Park, en empregar o termo 'ecoloxía humana'.

Traxectoria

Carreira

Burgess completou o seu grao (Bachelor) no Kingfisher College de Oklahoma en 1908 e un ano despois trasladouse á Universidade de Chicago como estudante de doutoramento en socioloxía, onde recibiu o seu Ph.D en 1913. Sucedéronse varios postos de ensino e investigación ata que Burgess regresou a Chicago en 1916 e foi nomeado profesor asistente de socioloxía. Refírese a el como o primeiro "sociólogo novo" porque todos os demais profesores do departamento de Chicago proviñan doutros campos profesionais. En 1927 recibiu a condición de profesor titular, e en 1946 pasou a ser director do departamento de socioloxía. En 1951 converteuse en emérito, pero mantívose activo na investigación e na docencia e fundou o Centro de Estudos Familiares, que máis tarde se convertería no Centro de Estudos Familiares e Comunitarios (Family and Community Study Center). En 1963 publicou un texto sobre socioloxía urbana xunto con Donald Bogue.

Investigación

Modelo de anel ou modelo urbano de Burgess. O modelo foi o primeiro en explicar patróns de asentamento vinculados ás migracións, especialmente o éxodo urbano a Chicago. O modelo foi criticado por diversos motivos, como ser un modelo demasiado estático, non ter en conta condicionantes físicos, e non funcionar ben fóra dos Estados Unidos.

A investigación socio-ecolóxica urbana de Ernest Burgess xunto con Roderick Duncan McKenzie foi vital para o desenvolvemento de ideas relativas á transferencia das estruturas da ecoloxía animal e vexetal ás sociedades humanas.

Os seus traballos fundamentáronse nun concepto espacial "absolutista", onde o espazo é interpretado como unha entidade separada da acción humana. A premisa básica é que as persoas necesitan adaptarse ao seu contorno natural, dentro de comunidades sociais específicas en territorios delimitados, como barrios ou distritos urbanos.

A estruturación destas áreas ou territorios baséase na formación de comunidades homoxéneas, que se forxan debido á presión para a adaptación e que se poden caracterizar por diferentes variables, tales como a pertenza a unha determinada clase social ou etnia.

O concepto de cidade de Louis Wirth fundamentouse en gran medida na investigación de Burgess. A través das súas pesquisas, Burgess e o seu colega Robert Ezra Park desenvolveron o chamado "modelo de zonas" ou "modelo de anel" no ano 1925. Este modelo urbano pretende ilustrar a estrutura social dunha cidade, utilizando a Chicago como exemplo e propondo que as cidades se desenvolven en zonas concéntricas, cada unha cun tipo de uso do solo predominante.

Obra (escolma)

• Ernest W. Burgess, Robert E. Park: Introduction to Science of the Sociology. 1921, ISBN 0-8371-2356-9
• Ernest W. Burgess, Robert E. Park, Roderick D. McKenzie (Hrsg.): The City. University of Chicago Press, Chicago 1925, ISBN 0-226-64611-4. 
• Contributions to Urban Sociology. University of Chicago Press, Chicago 1964, ISBN 978-0-226-08055-0.
• The Function of Socialization in Social Evolution. HardPress Publishing 2013, ISBN 978-1-313-46819-0.
• Personality and the Social Group. Forgotten Books, London 2018, ISBN 978-1-330-29705-6.

Véxase tamén

Outros artigos

• Ecoloxía humana
• Modelo de zona

Ligazóns externas

• Ernest W. Burgess, Asociación Americana de Sociolóxica (inglés)
• Guía de Ernest Watson Burgess Papers. Addenda 1910-1966, Biblioteca da Universidade de Chicago (inglés)
• Ernest Watson Burgess. sociólogo estadounidense , Encyclopaedia Britannica (inglés).