Enrique Tojo
| Biografía | |
|---|---|
| Nacemento | 1 de marzo de 1933  A Escravitude, España |
| Morte | 7 de marzo de 2013 (80 anos) Rois, España |
 Alcalde de Rois | |
| 1990 – 2003 – Xosé Manuel Penas Patiño → | |
| Actividade | |
| Ocupación | político, empresario |
| Partido político | Partido Popular |
| Membro de | |
| Familia | |
| Fillos | Ramón Tojo Lens |
Enrique José Tojo Blanco, nado o 1 de marzo de 1933 na Escravitude (Padrón) e finado en Rois o 7 de marzo de 2013, foi un político e empresario galego.
Traxectoria
[editar | editar a fonte]Empresario do sector da madeira. Foi elixido concelleiro en Rois tralas primeiras eleccións democráticas a través dunha candidatura independente que foi a segunda forza máis votada trala UCD. Nas municipais de 1983 encabezou de novo unha candidatura independente e logrou selo máis votado, porén non puido gobernar debido a un pacto entre PSdeG e AP polo que os seus candidatos se rotaron na alcaldía 2 anos. En 1984 pasou a integrar Coalición Galega, porén rematou por pasar a formar parte de AP, a cal se distanciara dos socialistas, e foi o seu candidato nas municipais de 1987 logrando sela forza máis votada. Non consigueu gobernar, dado que os demais grupos (PSdeG e CDS) apoiaron ao concelleiro do PNG Francisco Eiras Leis como alcalde.
En febreiro de 1990 presentou unha moción de censura contra o alcalde co apoio dos concelleiros do CDS, os cales remataban de abandoalo goberno. Tras diversos recursos presentados en contra da moción, Eiras Leis optou por dimitir en setembro e se desactivou a moción, polo que en outubro foi investido alcalde. Encabezou a lista municipal do Partido Popular de Galicia nas eleccións locais de 1991 e revalidou a alcaldía con maioría absoluta, a cal revalidou nas municipais de 1995 e de 1999. Porén, nas locais de 2003 perdeu a maioría absoluta e pasou á oposición en favor dun goberno entre o BNG e o PSdeG, o que acabou por ser a súa despedida da vida política, sendo substituído polo fillo Ramón Tojo Lens á fronte do partido.
| Predecesor: Francisco Eiras Leis |
Alcalde de Rois 1990 - 2003 |
Sucesor: Xosé Manuel Penas Patiño |
Vida persoal
[editar | editar a fonte]Estaba casado e vivía na parroquia de Antequeira, na parroquia de Oín. O seu fillo, Ramón Tojo Lens, tamén foi alcalde de Rois.