Embiotócidos

Os embiotócidos (Embiotocidae) son unha familia de peixes mariños e de auga doce incluída na orde Perciformes.

Morfoloxía

Alcanzan tamaños máximos de 45 cm (Rhacochilus toxotes). Posúen unha aleta dorsal con 6-11 radios espiñosos (Hysterocarpus traski ten 15-19 e 9-28 radios brandos; na aleta anal, 3 espiñas e 15-35 radios brandos. A aleta caudal é aforquitada. Na liña lateral hai de 35 a 75 escamas.

Hábitat e bioloxía

A maior parte das especies viven en cursos de auga doce de América, mentres que algunhas se distribúen polo norte do océano Pacífico norte.

Son vivíparos: o macho usa a parte anterior da aleta anal para introducir o seu seme na femia, e os embrións desenvólvense dentro desta. Desta característica deriva o seu nome, do grego embios, persistente, e tokos, -ou, nacemento.

Taxonomía

Clasifícanse en 13 xéneros (WORMS):

Amphistichus
Brachyistius Gill, 1862
Cymatogaster Gibbons, 1854
Ditrema
Embiotoca L. Agassiz, 1853
Hyperprosopon
Hypsurus Agassiz, 1861
Hysterocarpus
Micrometrus
Neoditrema
Phanerodon Girard, 1854
Rhacochilus
Zalembius

Véxase tamén

Ligazóns externas