Eleccións presidenciais dos Estados Unidos de 2016
| Eleccións presidenciais dos Estados Unidos de 2016 | |||||||||||||||||||||||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
← 2012 (pt)    2020
→ | |||||||||||||||||||||||||||||||||||||||||||||||||||||||||||||||||||||||||||
| Data | 8 de novembro de 2016 | ||||||||||||||||||||||||||||||||||||||||||||||||||||||||||||||||||||||||||
| Tipo | eleccións presidenciais dos Estados Unidos de América | ||||||||||||||||||||||||||||||||||||||||||||||||||||||||||||||||||||||||||
| Parte de | eleccións dos Estados Unidos de 2016 | ||||||||||||||||||||||||||||||||||||||||||||||||||||||||||||||||||||||||||
| Cargo elixido | Presidente dos Estados Unidos de América. Duración do mandato: 4 Vicepresidente dos Estados Unidos. Duración do mandato: 4 | ||||||||||||||||||||||||||||||||||||||||||||||||||||||||||||||||||||||||||
| Participación política | |||||||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||||||
| Resultado da votación
| |||||||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||||||
 | |||||||||||||||||||||||||||||||||||||||||||||||||||||||||||||||||||||||||||
| Causa inmediata de | |||||||||||||||||||||||||||||||||||||||||||||||||||||||||||||||||||||||||||
| 20 de xaneiro de 2017: investidura de Donald Trump | |||||||||||||||||||||||||||||||||||||||||||||||||||||||||||||||||||||||||||
As eleccións presidenciais dos Estados Unidos de 2016 foron as 58ª eleccións presidencias dos Estados Unidos de América, celebradas o martes 8 de novembro de 2016. Os votantes elixen ós compromisarios que á súa vez deberán escoller ó novo presidente e vicepresidente a través do Colexio Electoral. O límite estabelecido pola Vixésimo segunda Emenda constitucional impediu ó presidente en exercicio, Barack Obama, ser reelixido para un terceiro período de goberno.
As eleccións primarias que determinan os candidatos dos partidos políticos á presidencia tiveron lugar entre o 1 de febreiro e xuño de 2016, estendéndose entre os 50 estados, o Distrito de Columbia e o resto dos territorios baixo soberanía estadounidense. Este proceso electoral é tamén unha elección indirecta, onde os votantes emiten os seus votos por unha lista de delegados para unha convención de nomeamento dun partido político, quen despois elixen ó nomeado presidencial do seu partido. Ademais, elixíronse 34 senadores e a totalidade da Cámara de Representantes.
Ás 2:40 a.m. (hora do leste) do 9 de novembro, as canles de novas anunciaron que Pensilvania e Wisconsin (estados nos cales Hillary Clinton lideraba as enquisas) daban os últimos 30 electores para definir como gañador a Donald Trump, quen se converteu en cuadraxésimo quinto presidente dos Estados Unidos de América. Clinton aceptou a derrota perante Trump, quen gañou as eleccións presidenciais de 2016 con 304 votos electorais contra 227 de Clinton.[1] Os estados que lle deron (en contra da maioría dos prognósticos) a vitoria a Trump foron, principalmente, os estados industriais da rexión dos grandes lagos: Míchigan, Pensilvania e Wisconsin. Ademais destes, o candidato republicano tamén logrou impoñerse nos dous grandes estados en disputa, ou "swing states", das últimas décadas: Ohio e Florida, e noutros estados "swing" menores como Arizona, Xeorixia, Iowa e Carolina do Norte. Clinton, pola súa parte, fíxose con estados disputados como Colorado, Nevada, Virxinia e Nova Hampshire.
Polo tanto, o candidato republicano Trump gañou as eleccións, malia ter obtido o apoio de 2,8 millóns de votantes menos que o seu rival demócrata. Como sinala o científico de datos Azhar Hamdan, ó final as eleccións de 2016 non as decidiu esa vantaxe de case tres millóns de votos de Hillary Clinton, senón a moito máis estreita vantaxe de só 78.000 votos que Trump logrou en tres condados de Míchigan, Wisconsin e Pensilvania.
As eleccións salientaron por un clima de tensión política, a máis baixa aceptación popular cara ós candidatos en toda a historia dos Estados Unidos e por unha vitoria impredecible onde Trump gañou a elección malia que Clinton liderara os termómetros electorais a maior parte do tempo que durou a campaña.[2]
