El regionalismo
| El regionalismo | |||
|---|---|---|---|
 | |||
|
Título
El Regionalismo  | |||
|
Instancia de
| |||
|
Xénero
| |||
|
Lingua
| |||
| Autoría | |||
|
Autor/a
| |||
| Datas | |||
| |||
| Wikidata |
El regionalismo é a obra máis coñecida do xurista Alfredo Brañas. Publicada en 1889, a obra defende a descentralización do estado español e o recoñecemento da categoría nacional para Galiza.
Publicación e éxito literario
[editar | editar a fonte]El regionalismo. Estudio sociológico, histórico y literario foi publicada en Barcelona en 1889, na imprenta de Jaime Molinas. A obra tivo un enorme impacto entre a intelectualidade galega de finais de século e fixo que Alfredo Brañas se colocase á altura de Manuel Murguía, quen era entón o principal representante do rexionalismo galego[1]. Así mesmo, a obra contribuíu a situar o rexionalismo galego en posicións semellantes ás que viñan sostendo, dentro do estado español, os nacionalistas vascos e cataláns.
Así e todo, a crecente deriva do autor cara a posicións máis tradicionalistas, próximas ao carlismo, e a súa morte en 1900 fixeron que a obra tivese menor impacto na seguinte xeración de galeguistas. A partir da creación das Irmandades da Fala, os galeguistas comezan a orientarse cara a posicións próximas ao republicanismo de esquerdas e o nacionalismo, afastándose así das teses de Brañas.
Edicións modernas
[editar | editar a fonte]El regionalismo conta con dúas edicións modernas. La Voz de Galicia publicou en 1981 unha edición facsímile da orixinal. Esta edición engadía ao prólogo orixinal outro de Ramón Piñeiro[2]. En 1991 a Xunta de Galicia e El Correo Gallego publicaron unha edición en tapa branda[3].
Notas
[editar | editar a fonte]- ↑ Beramendi González, Justo (2007). De provincia a nación. Historia do galeguismo político. Xerais. ISBN 9788497826402.
- ↑ Brañas, Alfredo (1981). El regionalismo. La Voz de Galicia. ISBN 8460026027.
- ↑ "Casa del libro". Arquivado dende o orixinal o 28/05/2020. Consultado o 1/04/2020.