El espíritu de la colmena

El espíritu de la colmena
Ficha técnica
Título orixinal	El espíritu de la colmena
Director	Víctor Erice
Produtor	Elías Querejeta
Guión	Víctor Erice e Ángel Fernández Santos
Intérpretes	Fernando Fernán Gómez, Teresa Gimpera, Ana Torrent, Isabel Tellería, Laly Soldevila, Miguel Picazo, José Villasante, Juan Margallo
Música	Luis de Pablo
Fotografía	Luis Cuadrado
Montaxe	Pablo G. del Amo
Estrea	1973
Duración	97 minutos
Orixe	España
Xénero	Drama
Na rede

El espíritu de la colmena é un filme español de 1973 dirixido por Víctor Erice.

Está ambientado en terras castelás nada máis rematada a Guerra Civil. Rodado na vila segoviano de Hoyuelos, onde se proxecta a película Frankenstein.

Argumento

Nun pequeno lugar de Castela, en plena posguerra a mediados dos anos corenta, Isabel (Isabel Tellería) e Ana (Ana Torrent), dúas irmás de oito e seis anos respectivamente, ven un domingo a película Frankenstein. Á pequena a visión do filme cáusalle tal impresión que non deixa de facer preguntas á súa irmá máis vella, que lle asegura que o monstro está vivo e que se oculta cerca da vila.

Elenco

• Fernando Fernán Gómez como Fernando
• Teresa Gimpera como Teresa
• Ana Torrent como Ana
• Isabel Tellería como Isabel
• Ketty de la Cámara como Milagros, a criada
• Estanis González como Garda civil
• José Villasante como Monstro de Frankenstein
• Juan Margallo como O Fuxitivo
• Laly Soldevila como Dona Lucía, a profesora
• Miguel Picazo como O Doutor

Comentarios

Os actores que interpretan os 4 protagonistas chámanse coma eles na vida real. Segundo contou Erice máis dunha ocasión, isto non é casualidade, senón que é debido a que Ana Torrent, a nena protagonista non entendía por que os actores se chamaban dun xeito e de súpeto, ao comezar a gravar, cambiaban de nome. Este feito motivou que o director decidise cambiarlles os nomes a todos os protagonistas polos seus propios nomes.

O título do filme está sacado dun libro de Maurice Maeterlinck, no que este utliliza a expresión "o espírito da colmea" para describir ese "espírito todopoderoso, enigmático e paradoxal ao que as abellas parecen obedecer, e que a razón dos homes xamais chegou a comprender". O filme foi estreado de novo no ano 2004.

Palmarés cinematográfico

• 1973 - Festival de Chicago - Hugo de Prata
• 1973 - Festival Internacional de Cine de San Sebastián - Mellor Película.
• 1973 - Premios do Círculo de Escritores Cinematográficos: Medallas á mellor película, mellor director (Víctor Erice), mellor actor (Fernando Fernán Gómez), mellor fotografía (Luís Cuadrado) e mellor música (Luís de Pablo).