Eastern Telegraph Company

Na Galipedia, a Wikipedia en galego.
Saltar ata a navegación Saltar á procura
Cables da Eastern Telegraph en 1901

A Eastern Telegraph Company, coñecida popularmente en Galicia como O Cable Inglés,[1][2][3] foi unha empresa de comunicación cablegráfica entre Vigo e Inglaterra, inaugurada o 27 de maio de 1873. Aos poucos días empezaba a funcionar o cable da mesma compañía entre Vigo e Carcavelos,[Cómpre referencia] Portugal, que foron as primeiras de España e as únicas durante once anos. O 28 de maio de 1933, sesenta anos despois, o inicio do Cable Inglés foi recordado polo entón cronista da cidade, Avelino Rodríguez Elías.

Grazas ao cable, Faro de Vigo deu a primeira noticia da chegada do Plus Ultra a Buenos Aires.

Xosé Ramón Cabanelas, autor do libro El mundo Vía-Vigo,[4], que publicara o I.E.V., recorda que O Cable Inglés funcionou en Vigo ata o 31 de decembro de 1969.

Historia[editar | editar a fonte]

Avelino Rodríguez Elías recordaba as efemérides sinalando que o cable de Bilbao a Inglaterra non se inaugurou ata 1884, polo que as comunicacións telegráfico-submarinas de Vigo foron as primeiras de España, e durante once anos, as únicas que tivo a nación. Para a Eastern Telegraph C.° Ltd,[5] a importancia do Porto de Vigo estaba por encima dos de tódolos demais de España. Os cables da empresa foron amarrados nunha praia que había por debaixo das baterías da Laxe, na cal se construíu en 1876.

Os creadores e a súa residencia en Vigo[editar | editar a fonte]

O primeiro director da estación do Cable Inglés en Vigo foi C. J. Murphy e dos varios funcionarios que desempeñaron ese cargo destacou John Rose, cuxa familia, enlazada por vínculos matrimoniais con familias viguesas, fixou a súa residencia en Vigo.

Outro foi Lehmann, que se quedou a vivir en Vigo despois de xubilado, quen se adaptou de tal modo a esta terra, que falaba o castelán como un español e conversaba cos oriúndos na propia lingua destes.

Outros funcionarios do Cable Inglés fixeron de Vigo a súa segunda patria, e a súas familias, pasaron a ser familias viguesas.

Os últimos oficiais[6][editar | editar a fonte]

Entre 1873 e 1969 o "Cable Inglés" converteu a Vigo nun dos referentes de Europa na comunicación por telégrafo. Polas oficinas da compañía transcorreron mensaxes que puideron atravesar o mundo. O éxito desas comunicacións dependía en boa medida de Antonio Vázquez, James Skinner, John Staton, Francisco Barcia e Fernando Merino, os últimos oficiais técnicos da Eastern Telegraph Company en Vigo.

A empresa inglesa impulsa os deportes, especialmente do balón, en Vigo[editar | editar a fonte]

Os oficiais da Eastern Telegraph contribuíron ao impulso dos deportes en Vigo, especialmente o do fútbol. Xa xogando contra elementos vigueses, xa formando equipos con estes, aquí viñeron practicando o fútbol dende 1895. Quizais, cando por España adiante case nin se sabía da existencia do xogo. Grazas a iso, o fútbol vigués puido contar cun historial tan antigo, que xa en 1903 o Faro de Vigo publicou recensións dos desafíos que se xogaban no Malecón, sinalando que os oficiais do Cable Inglés compoñían un grande equipo.

Notas[editar | editar a fonte]

  1. Mosquera, Javier (29/5/2013). "140 años de El Cable Inglés". Faro de Vigo (en castelán). Consultado o 5/10/2017. 
  2. "O Cable Inglés. Cooperativa cultural". www.ocableingles.com. Consultado o 9/10/2017. 
  3. "O Cable Inglés, S. Coop. Galega – Espazo Coop". espazo.coop (en castelán). Consultado o 9/10/2017. 
  4. Carbajo, Fernando Torres. "Las noticias del mundo pasaban por Vigo - Vigoe.es" (en castelán). Consultado o 9/10/2017. 
  5. "History of the Atlantic Cable & Submarine Telegraphy - Cable & Wireless". atlantic-cable.com. Consultado o 9/10/2017. 
  6. "Los últimos oficiales del ´Cable Inglés´". Faro de Vigo. Consultado o 9/10/2017. 

Véxase tamén[editar | editar a fonte]

Ligazóns externas[editar | editar a fonte]