Dunvegan

Na Galipedia, a Wikipedia en galego.
Saltar ata a navegación Saltar á procura

Dunvegan (en escocés: Dùn Bheagain) é unha aldea da illa de Skye en Escocia. É famosa polo castelo de Dunvegan, sede do xefe do clan MacLeod. Dunvegan está dentro da parroquia de Duirinish,[1] e a igrexa parroquial de Duirinish está en Dunvegan. En 2011 tiña unha poboación de 386 habitantes.[2]

Nome[editar | editar a fonte]

En The Norse Influence on Gaelic Scotland (1910), George Henderson suxire que o nome Dùn Bheagain deriva do gaélico antigo Dùn Bheccáin ([o] forte de Beccán), sendo Beccán un nome persoal gaélico. Dùn Bheagain non significaría "pequeno forte", xa que sería Dùn Beag en gaélico.

Xeografía[editar | editar a fonte]

Castelo de Dunvegan

Dunvegan atópase ás beiras do gran lago Dunvegan, Está situado no cruzamento da A850 e a A863. A estrada B884 tamén ten un cruzamento coa A863, no extremo leste de Dunvegan.[3]

Demografía[editar | editar a fonte]

A poboación permanente de Dunvegan está a diminuír. Non obstante, o número de aloxados na zona durante as vacacións aumentou drasticamente ao longo dos anos desde 2001.

Economía[editar | editar a fonte]

A información turística adoitaba estar situada na rúa de tendas de Lochside, pero agora está de forma estacional na tenda de St Kilda do castelo de Dunvegan. O Giant MacAskill Museum, que celebra a vida de Angus Mòr MacAskill foi creado en 1989 e está xestionado por Peter MacAskill, pai do ciclista de trial Danny MacAskill.[4]

Notas[editar | editar a fonte]

  1. "Dunvegan from The Gazetteer for Scotland". www.scottish-places.info (en inglés). Consultado o 2022-05-10. 
  2. Highland Council 2011 census profile for Settlement Zones
  3. "A863 - Roader's Digest: The SABRE Wiki". www.sabre-roads.org.uk. Consultado o 2022-05-10. 
  4. Danny MacAskill makes a career from defying death (15 February 2009) The Times. Retrieved 28 May 2010.

Véxase tamén[editar | editar a fonte]

Ligazóns externas[editar | editar a fonte]