Drenaxe venosa do membro superior

A drenaxe venosa do membro superior é o conxunto de veas do membro superior que recollen o sangue dende os dedos ata o ombreiro, desembocando o sangue desosixenado na vea subclavia, que despois leva este sangue á vea cava superior, que finalmente rematará na aurícula dereita do corazón.

A drenaxe venosa está constituída por dous sistemas, un superficial e un fondo. O sistema superficial está composto por:

• Veas dixitais e veas dixitais palmares.
• Veas metacarpais.
• Vea cefálica.
• Vea basílica.
• Vea mediana.

O sistema fondo está formado por parellas de veas que acompañan no traxecto ás arterias. Cada parella de veas dispón unha delas a cada lado da arteria. Xeralmente, cada parella de veas está conectadas entre si a través de pequenas veas transversais. Forman parte deste sistema fondo:

• Veas fondas da man.
• Arco venoso palmar superficial e arco venoso palmar fondo.
• Veas intercapitulares da man.
• Veas palmares da man.
• Veas metacarpais palmares
• Veas fondas do antebrazo, vea radial e vea cubital.
• Veas braquiais.
• Vea axilar.
• Vea subclavia.
• Veas tributarias do membro superior.

Véxase tamén

Bibliografía

• Gray. Anatomy of the human body (en inglés). Edición de 1918 de dominio público.