Domingo Cubeiro

Na Galipedia, a Wikipedia en galego.
Saltar ata a navegación Saltar á procura
Domingo Cubeiro
AlcumeGandarío
Nacemento1892
 Gandarío, Ouces, Bergondo
Falecemento1968
 Buenos Aires
NacionalidadeEspaña
Ocupaciónxornalista e político
editar datos en Wikidata ]

Domingo Cubeiro, nado en Gandarío (Bergondo) en 1892 e finado en Buenos Aires en xaneiro de 1968, foi un xornalista galego.

Traxectoria[editar | editar a fonte]

Emigrou de novo a Arxentina. Formou parte da directiva da sociedade A Terra fundada en Buenos Aires en 1917.[1] En 1924 trasladouse a Estados Unidos onde viviu algúns anos. Colaborou en Céltiga e en La Prensa de Nova York e foi correspondente nesa cidade da revista Claridad. Regresou a Arxentina en 1930, pero viaxou de novo aos Estados Unidos a finais dos anos trinta, onde coincidiu con Ramón Suárez Picallo e Castelao. Nos anos vinte fíxose comunista, pero despois mantívose nunha postura independente sen abandonar o marxismo. Foi dirixente da Federación de Sociedades Gallegas Agrarias y Culturales da que foi membro da comisión de prensa (1938-1947 e 1955-1959) e escribiu en Galicia de forma habitual dende 1938 utilizando o pseudónimo Gandarío, periódico que chegou a dirixir. Socialista contrario ao galeguismo, despois da Guerra Civil estivo moi influído polas posicións do PCE.

Vida persoal[editar | editar a fonte]

Casou con Modesta Ramos que finou en 1951, e logo volveu casar con María F. Vignale.

Notas[editar | editar a fonte]

  1. El Diario de Pontevedra, 26-7-1917, p. 2.

Véxase tamén[editar | editar a fonte]

Bibliografía[editar | editar a fonte]

  • Díaz, Hernán M. (2007). Historia de la Federación de Sociedades Gallegas. Buenos Aires: Fundación Sotelo Blanco-Biblos. pp. 223–224. ISBN 978-950-786-574-9.