Diego de Muros I

Para outras páxinas con títulos homónimos véxase: Diego de Muros.

Diego de Muros I

Biografía
Nacemento	1405 Muros, España
Morte	1492 (86/87 anos) Ciudad Rodrigo, España
Bispo de Cidade Rodrigo
1 de xuño de 1487 – ← Pedro Beltrán (en) – Juan Ortega Bravo de la Laguna (en)  → Diocese: Diocese de Ciudad Rodrigo (pt)
Bispo de Tui
15 de xuño de 1472 – ← Pedro Fernández de Solís (en) – Pedro Beltrán (en)  → Diocese: Diocese de Tui
Datos persoais
Relixión	Igrexa católica
Actividade
Ocupación	bispo católico (1473 (Gregoriano)–), Sacerdote católico de rito romano
Orde relixiosa	Orde da Mercé
Consagración	Šimun Vosić (pt)

Diego de Muros, nado en Muros e finado en Ciudad Rodrigo en 1492, foi un relixioso galego da Orde dos Mercedarios. É coñecido como Diego de Muros I para distinguilo de dous sobriños seus do mesmo nome.

Traxectoria

Interveu, xunto a Pedro González de Mendoza, a favor de Isabel a Católica na súa loita sucesoria conta Xoana a Beltranexa. O 12 de xuño de 1472, consagrado como bispo, pasou a ocupar a sé da diocese de Tui, desde onde defendeu mesmo mediante coas armas os intereses dos Reis Católicos fronte á nobreza galega. Tamén tomou as armas contra os portugueses. Tivo fortes enfrontamentos con Pedro Madruga, quen, tras queimar a súa casa en Baiona, o tivo preso no castelo de Fornelos, o castelo de Vimianzo e o castelo de Monterreal.

O 1 de xuño de 1487 trasladouse a Castela á sé de Ciudad Rodrigo, onde finou cinco anos máis tarde.

Bispo de Tui

A súa actividade como bispo de Tui é relativamente ben coñecida, posto que se conservan algúns documentos orixinais emitidos durante o seu mandato, como as Constitucións do Sínodo de Tui. Nese documento apréciase o empeño do bispo por reformar os costumes do Cabido. A moralidade e formación dos cóengos relaxárase moito nos anos centrais do século, aproveitando a inestabilidade no goberno da sede e a convulsión social que rodeou ao conflito das Irmandades.

Así mesmo, consérvanse tamén unhas ordenanzas do Concello de Tui, ditadas polo bispo en 1484. O Concello existía xa con anterioridade, polo que as ordenanzas deben entenderse como unha tentativa de asentar o poder do Cabido sobre o Concello e de regular as súas competencencias e órganos de goberno. Entre as medidas recollidas nesas ordenanzas está a da renovación dos cargos do concello, á cal se procedía o 1 de xaneiro.

Véxase tamén

Bibliografía

• González Novalin, J.L. (1974). (Patronato de la Casa de Colón). "Don Diego de Muros, Obispo de Canarias, su personalidad humanística y su aportación literaria a las Crónicas Granadinas del 1487 y 1488". Anuario de Estudios Atlánticos (en castelán) (Madrid - As Palmas de Gran Canaria) (20): 13–107. ISSN 0570-4065. 
• Sánchez Carrera, María del Carmen (1997). El bajo Miño en el siglo XV: el espacio y los hombres (en castelán). A Coruña: Fundación Pedro Barrié de la Maza. ISBN 8489748136. 

Predecesor: Rodrigo de Vergara

Diocese de Tui 1472-1487

Sucesor: Pedro Beltrán

Predecesor: Pedro Beltrán

Diocese de Ciudad Rodrigo 1487-1492

Sucesor: Juan de Ortega