Deep Blue Sea

Na Galipedia, a Wikipedia en galego.
Saltar ata a navegación Saltar á procura

Deep Blue Sea
Ficha técnica
Título orixinalDeep Blue Sea
DirectorRenny Harlin
ProdutorBruce Berman
Akiva Goldsman
GuiónDuncan Kennedy
Donna Powers
Wayne Powers
IntérpretesSaffron Burrows
Thomas Jane
Jacqueline McKenzie
Stellan Skarsgård
Samuel L. Jackson
LL Cool J
Michael Rapapor
MúsicaTrevor Rabin
FotografíaStephen Windon
MontaxeConrad Buff IV
James Cameron
Richard A. Harris
DistribuidoraWarner Bros
EstreaFlag of the United States.svg 28 de xullo de 1999
Galicia 30 de abril de 2008 (TVG)
Duración94 minutos
OrixeEstados Unidos de América Estados Unidos
Australia Australia
XéneroAcción
Orzamento$60 000 000

Deep Blue Sea é un filme estadounidense dirixido por Renny Harlin que foi estreado en 1999. Estreouse en galego na TVG o 30 de abril de 2008.[1]

Argumento[editar | editar a fonte]

Nunha plataforma no medio do mar están investigando con tres quenllas coa intención de descubrir unha cura do alzheimer. Suponse que as quenllas teñen no cerebro un complexo proteínico capaz de rexenerar as neuronas.

A historia comeza cando un home chamado Russell Franklin financia a investigación que estaba a perigar, e se dirixe á plataforma chamada "Acuática" para observala. Dentro da plataforma traballa, entre outros, a científica Susan McAllester, que fixo secretamente agrandar o tamaño dos cerebros das quenllas para que a cantidade do seu complexo proteínico rexenerador sexa maior, mais tamén se volven máis intelixentes ao ter máis masa gris.

Nunha noite de treboada intensa capturan un dos bechos e trasládano a un laboratorio. Alí extraeranlle dita proteína mentres está durmido, mais esperta inesperadamente a arríncalle un brazo a un dos científicos. Chaman un helicóptero para evacuar ao ferido, mais o resultado será catastrófico. O helicóptero lanza un cable que se engancha á padiola onde está o ferido, mais cando o estaba subindo o mecanismo de ascensión avaríase, caendo a padiola co sen brazo na auga, onde se acha unha quenlla que morde o cebo este, facéndolle perder totalmente o control ao helicóptero, que se espeta contra a plataforma estourando todo como se de pólvora se tratara.

As outras persoas baixaran a un andar inferior, onde hai un cristal que unha quenlla, coa padiola e o anterior ferido aínda vivo entre os dentes, rebentará a golpes. Así pois, terán que correr para non ser comestos polos escuálidos nin morrer afogados.

Personaxes[editar | editar a fonte]

Comentarios[editar | editar a fonte]

O filme conta cos efectos visuais especiais e de animación da compañía Industrial Light & Magic, entre outras. Ademais, contou cun equipo de cámaras Panavisión, converténdose nunha superprodución.

No filme móstranse varias barbaridades acientíficas.

Notas[editar | editar a fonte]

  1. "Deep Blue Sea na TVG". Diario Siglo XXI. 29 de abril de 2008. Arquivado dende o orixinal o 14 de outubro de 2013. Consultado o 12 de outubro de 2013. 

Véxase tamén[editar | editar a fonte]

Ligazóns externas[editar | editar a fonte]