Cuntis, Cuntis

Cuntis
	Vista de Cuntis desde o alto de Castrolandín
Concello	Cuntis
Provincia	Pontevedra
Coordenadas	42°37′57″N 8°33′48″O / 42.6325, -8.56333333
Área	30,6 km²
Poboación	2.278 hab. (2017)
Densidade	74,44 hab./km²
Entidades de poboación	26
	[ editar datos en Wikidata ]

Para outras páxinas con títulos homónimos véxase: Cuntis.

Santa María de Cuntis é unha parroquia que se localiza no centro do concello de Cuntis, na provincia de Pontevedra. Limita coas parroquias de Arcos, Piñeiro, Estacas, Troáns e Cequeril, así como cos concellos de Moraña e A Estrada.

No ano 2009 tiña 2.390 habitantes, o que supuña 245 menos ca en 1986. Segundo o Diccionario geográfico-estadístico-histórico de España y sus posesiones de Ultramar de Pascual Madoz, en 1846 a parroquia contaba cunha poboación de feito de 1.316 persoas.

Historia

O territorio da parroquia presenta unha ocupación humana moi antiga, documentada a través de numerosos restos arqueolóxicos, especialmente petróglifos e castros. Destaca especialmente o Castro de Castrolandín, un dos principais xacementos castrexos da comarca, parcialmente escavado e con evidencias de ocupación na Idade do Ferro e en época romana.

A parroquia desenvolveuse historicamente arredor das augas termais de Cuntis, coñecidas xa na antigüidade e que converteron a localidade nun importante centro termal do interior de Galicia.

Patrimonio

Na parroquia sitúanse os petróglifos de Cartas e Cartas da Fóra (Cardecide), Outeiro do Forno de Tella, Outeiro de Vales, Costa de Vales, Outeiro Grande, Outeiro do Moucho e Outeiro da Campá, este último situado no polígono industrial.

Entre os xacementos castrexos destacan os castros de Castrolandín, Meira, O Castriño (Xinzo) e Laxos.

Tamén se atopa na parroquia a igrexa de Santa María dos Baños, vinculada historicamente ao desenvolvemento da vila termal.

Galería de imaxes

Outeiro do Forno de Tella
Outra vista desde o castro
Castro de Castrolandín
Igrexa de Santa María dos Baños
Vista da igrexa parroquial

Lugares e parroquias

Lugares de Cuntis

Lugares da parroquia de Cuntis no concello de Cuntis (Pontevedra)
Calvos \| Campo \| Cardecide \| Castrolandín \| Cuntis \| Ermida \| Folgoso \| Fontecova \| Fuxacos \| Laxos \| Louriña \| Meira \| Mesego \| Noval \| A Paizosa \| A Patela \| O Pazo \| Piñeiros \| Porto de Gómez \| Rebordelo \| Rogadío \| Trasponte \| Vilar \| Vilariño \| Xinzo \| Zo

Parroquias de Cuntis

Galicia \| Provincia de Pontevedra \| Parroquias de Cuntis
Arcos de Furcos (San Breixo) \| Cequeril (Santa María) \| Couselo (San Miguel) \| Cuntis (Santa María) \| Estacas (San Fiz) \| Piñeiro (San Mamede) \| Portela (Santa Eulalia) \| Troáns (Santa María)

Notas

1 2 DECRETO 27/2026, do 30 de marzo, polo que se aproba o Nomenclátor de Galicia.

Véxase tamén

Outros artigos

[nomenclátor-1] 1 2 DECRETO 27/2026, do 30 de marzo, polo que se aproba o Nomenclátor de Galicia.

[1]