Esta empresa, con sede na cidade de Sevilla foi fundada en 1936 co obxectivo de reparar e alugar bicicletas e derivados, ampliando a súa gama de produtos cos anos con motores de apoio e vehículos para discapacitados. En 1951 comezou coa produción de automóbiles, unha actividade que perduraría ata 1953. A marca baixo a que se venderon estes coches foi Gaitán. A actividade da empresa acabaría por completo en 1996.[1]
A compañía empezou a producir principalmente vehículos para persoas con discapacidade. Os seus microcoches nunca pasaron de ser prototipos de tres rodas, xa fora a roda independente dianteira ou traseira. A tracción sempre estaba confiada á roda independente, movida por un motor de 125cm³. Presentáronse con carrozarías de aluminio, algo pouco común na época, xa como convertibles ou tipo ovo.