Constantino V

Constantino V
	;
Nome orixinal	(el) Κωνσταντῖνος Ε΄
Biografía
Nacemento	718 ; Constantinopla, Turquía
Morte	14 de setembro de 775 (56/57 anos)
Emperador bizantino
	18 de xuño de 741 – 14 de setembro de 775 ; ← León III – León IV →
Actividade
Ocupación	monarca
Período de tempo	Imperio Bizantino
Familia
Familia	Dinastia isáurica (pt)
Cónxuxe	Tzitzak ; Maria (esposa de Constantino V) ; Eudóxia (esposa de Constantino V)
Fillos	Nicéforo (césar); () Eudóxia (esposa de Constantino V); León IV; () Tzitzak; Christophoros; () ; Anthusa of Constantinople; () Eudóxia (esposa de Constantino V)
Pais	León III e Maria (esposa de Leão III)
Irmáns	Ana (esposa de Artabasdo)
Descrito pola fonte	Dicionario Enciclopédico Brockhaus e Efron

Constantino V Coprónimo ("o de nome de excremento"), nado en 718 e finado o 14 de setembro de 775, foi emperador de Bizancio de 741 a 775. Constantino foi o fillo e sucesor de León III o Isaurio.

Traxectoria

A Constantino opúxose o chambelán do seu pai Artabasdo, que atacou o seu exército cando estaba en campaña contra os árabes en Anatolia. Artabasdo declarou que Constantino morrera na batalla e fíxose co poder en Constantinopla- Pero en realidade, Constantino fuxiu a Isauria, reuniu aos seus seguidores e asediou a capital en 742. A finais de 743 xa recuperara a cidade e mandara cegar a Artabasdo.

Tras estes feitos, reorganizou os temas, os distritos militares do Imperio e creou novas divisións chamadas tagmata. Dispúxoas de maneira que fose máis difícil utilizalas para unha conspiración. Co exército reorganizado, en 751 recuperou territorios que estaban en mans árabes, aproveitando a guerra civil entre estes. Tamén derrotou aos búlgaros na batalla de Anchialus en 763.

Constantino continuou a política iconoclasta do seu pai León III, perseguindo activamente aos iconódulos e aos mosteiros. En 753 convocou un concilio de bispos e clero iconoclasta, un dos concilios máis pequenos xamais reunidos, para proclamar que a veneración de imaxes era unha herexía. Esta medida resultou moi impopular entre a poboación xeral. En 766 perseguiu aos monxes e monxas iconódulos, obrigándoos a uniren as súas mans no hipódromo, mentres as turbas linchaban a un eremita iconódulo chamado Estevo. Tamén proclamou que o culto ás reliquias e aos santos era herético.

Constantino morreu en setembro de 775, durante unha campaña contra os búlgaros, e os iconódulos consideraron que a súa morte foi un castigo divino. Estenderon o rumor de que cando era un bebé, durante o seu bautismo, defecara na pía bautismal, e por iso lle aplicaron o sobrenome de "Coprónimo". No século IX foi desenterrado e os seus restos guindados ao mar.

Imperio Bizantino
Segue a: León III (emperador)	Constantino V (741-775)	Precede a: León IV (emperador)
Segue a: León III (emperador)	Dinastía Isáurica	Precede a: León IV (emperador)