Consoante palatal

As consoantes palatais son consoantes articuladas co corpo da lingua elevado contra o padal duro (a parte media da cavidade superior da boca). As consoantes articuladas co ápice da lingua curvada cara a atrás contra o padal chámanse retroflexas.

As consoantes palatalizadas son consoantes con outra articulación primaria que teñen como articulación secundaria a articulación palatal, é dicir, estas consoantes pronúncianse ademais de coa obstrución ou estreitamento no punto de articulación primario articúlanse coa elevación da parte media de lingua cara ó padal duro. Este tipo de articulación palatalizada é común en moitos fonemas das linguas eslavas e en moitas consoantes palato-alveolares doutras linguas.

As consoantes palatais que teñen signos específicos no Alfabeto Fonético Internacional son:

AFI	Descrición	Exemplo
AFI	Descrición	Lingua	Ortografía	AFI	Significado
	Nasal palatal	Castelán	año	[aɲo]	'Ano'
	Oclusiva palatal sorda	Húngaro	hattyú	[hɒcːuː]	'cisne'
	Oclusiva palatal sonora	Margi	ɟaɗí	[ɟaɗí]	'chepa dunha vaca'
	Fricativa palatal sorda	Alemán	nicht	[nɪçt]	'non'
	Fricativa palatal sonora	Castelán	rayo	[raʝo]	'raio'
	Aproximante palatal	Inglés	yes	[jɛs]	'si'
	Aproximante lateral palatal	Italiano	gli	[ʎi]	'os' (masculino plural)
	Implosiva palatal sonora	Suahili	hujambo	[huʄambo]	'ola'
	clic palatal	Nǁng	ǂoo	[ǂoo]	home