Knivsta é un concello sueco (kommun) do condado de Uppsala.[1] A súa capital é Knivsta. En decembro de 2024 o concello tiña unha poboación de 21 193 habitantes.[2] O municipio ten unha poboación en forte crecemento.
O municipio pertence á área metropolitana de Estocolmo-Uppsala. Porén, a baixa densidade de poboación fixo que o concello sexa catalogado tamén como municipio rural, estando ademais cuberto en gran parte por terras de cultivo. A principios dos anos 2020 a economía local estaba dominada polo sector servizos. A agricultura, a construción e o comercio tamén son sectores importantes no concello.
