Compresor de parafuso
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde xuño de 2016.) |
 | Este artigo contén varias ligazóns externas e/ou bibliografía ao fin da páxina, mais poucas ou ningunha referencia no corpo do texto. Por favor, mellora o artigo introducindo notas ao pé, citando as fontes. Podes ver exemplos de como se fai nestes artigos. |
 | Este artigo ou sección precisa dunha revisión do formato que siga o libro de estilo da Galipedia. Pode axudar a mellorar este artigo e outros en condicións semellantes. |
Os compresores de parafusos, son compresores rotativos continuo que producen aire comprimido mediante a rotación de dous parafusos helicoidais.
Constitución:[editar | editar a fonte]
Os compresores de parafuso están constituídos por dous rotores helicoidais (parafusos) do mesmo diámetro exterior; un deles, precisamente o parafuso macho, posúe uns lóbulos saíntes que engrenan nas canles do outro rotor (parafuso femia); ambos os rotores atópanse dentro dun cárter.
Os dous parafusos, tanto o macho como o femia, son accionados por un piñón que se atopa fóra do cárter. Este piñón é activado por un motor externo ( eléctrico, diésel, pneumático etc...).
Os parafusos non se atopan en contacto, estes engránasen permitindo así o paso do aire. O encargado de que se realice esta acción e de que os parafusos viren no sentido correspondente é a engrenaxe de sincronización.
Ao comprimir o fluído, produce un aumento da temperatura que podería ser danino ao compresor. Para solucionar ese problema incorporáronse ao compresor a canle de refrixeración, que se atopa en paralelo cos parafusos nun recipiente á parte. Esta canle encárgase de manter a temperatura estable.
Funcionamento:[editar | editar a fonte]
O motor externo activa o piñón que fai xirar os parafusos, estes ao xirar crean unha succión do aire, pola toma de aire, mentres vai aumentando a presión do mesmo a través das cavidades e enchendo os espazos entre os lóbulos do parafuso.
Ao finalizar o proceso de enchido dos lóbulos, péchase a aspiración quedando así unha cantidade de aire dentro do compresor.
Os parafusos seguen xirando e reducindo o espazo entre os lóbulos, facendo así que reduza o volume do aire que está almacenado. Esta redución produce un aumento de presión e á súa vez un aumento da temperatura que é reducida grazas á canle de refrixeración.
O gas comprimido que se atopa nos parafusos, debido á presión, alcanza o orificio de saída e iníciase a fase de descarga até evacuar completamente o gas comprimido. Á vez que vai saíndo o gas comprimido do recipiente, vai entrando gas pola toma de aire, grazas ao efecto de succión que fan os parafusos ao xirar, realizando novamente o ciclo de compresión.
Regulación de potencia:[editar | editar a fonte]
Os compresores de parafuso conteñen un sistema de regulación de potencia continuo que pode variar do 10% da potencia ata o 100%. Esta regulación faise por medio do distribuidor de regulación. Cando este está pechado, o compresor traballa a plena carga (100% de potencia) e a medida que se vai pechando o distribuidor, vai diminuíndo a potencia frigorífica.
Cando o compresor para de funcionar, un resorte volve abrir o distribuidor (no caso de que non estea en plena carga) asegurando así a posta en marcha en baleiro independentemente de como quedara anteriormente.
Circunstancias a dar segundo a posición do distribuidor:[editar | editar a fonte]
- Lóbulos dos parafusos cheos de gas, coa válvula do distribuidor pechada en toda a súa lonxitude. Permite un caudal do 100%.
- Lóbulos dos parafusos cheos de gas, coa válvula non pechada en toda a súa lonxitude. A compresión do gas comezará máis tarde e só se comprime unha parte do gas aspirado.
Sistema de lubricación:[editar | editar a fonte]
Os compresores de parafusos lubrícanse mediante aceite e a cantidade deste que circula polo compresor é moi importante.
Algúns destes compresores non posúen bomba de aceite, polo que empregan un sistema de lubrificación por inxección, grazas á diferenza de presión que existe entre a descarga e os elementos que queremos lubricar. A lubrificación destes elementos permite obter un rendemento do compresor máis elevado, así como un longo período de funcionamento debido á absorción de calor que fai o aceite.
O caudal de lubricante que se inxecta ao compresor debe separarse por completo do fluído para reintegrarse no compresor. De tal maneira o aceite debe ser filtrado e arrefriado antes de reintegrarse á maquina.
Para que esta acción se leve a cabo, necesítanse os seguintes elementos:
- Separador de aceite.
- Arrefriador de aceite.
- Filtro de aceite.
- Sistema de reglaxe de presión de lubrificación.
Véxase tamén:[editar | editar a fonte]
Bibliografía[editar | editar a fonte]
Rapin, Pierre J. (1996). [Paris] : Pyc édition, 1996, ed. Installations frigorifiques. 2, Technologie.
