"Coffee & TV" é unha canción da banda inglesa de rock alternativoBlur, editada como segundo sinxelo do seu álbum 13 o 28 de xuño de 1999. As estrofas do tema están cantadas polo guitarrista Graham Coxon, que tamén escribiu a letra. A música está acreditada a Damon Albarn, encargado de cantar o retrouso. A pesar de acadar só o número 11 da lista británica de sinxelos,[1] o tema converteuse nun dos éxitos de radio máis populares de Blur.