Claude Gregory

Claude Gregory

Biografía
Nacemento	26 de decembro de 1958 (65 anos) Washington, D.C., Estados Unidos de América
Educación	Universidade de Wisconsin-Madison
Altura	203 cm
Peso	93 kg
Actividade
Ocupación	baloncestista
Período de actividade	1981 - 1990
Nacionalidade deportiva	Estados Unidos de América
Deporte	baloncesto
Liga	Baloncesto masculino da División I da NCAA e National Basketball Association
Posición de xogo	Ala
Convocado por	Washington Wizards
Traxectoria   Equipo – Saski Baskonia – CB Zaragoza – Pallacanestro Reggiana – Los Angeles Clippers – Evansville Thunder – Club Baloncesto Breogán – La Crosse Catbirds – Élan Béarnais Pau-Orthez 1977–1981 Wisconsin Badgers

Claude Andre Gregory, nado o 26 de decembro de 1958 en Washington, D.C., é un ex xogador profesional de baloncesto estadounidense formado na Universidade de Wisconsin-Madison xogou na NBA e nas principais ligas de Europa como a LNB, a Lega e a ACB. Cunha altura de 2,03 metros xogaba na posición de pivote.

Traxectoria

Universidade

Xogou durante catro tempadas cos Badgers da Universidade de Wisconsin-Madison, nas que fixo unha media 15,9 puntos e 8,2 rebotes por partido. Ten a marca de rebotes da historia dos Badgers, con 904. Na súa última tempada foi elixido o segundo mellor quinteto da Big Ten Conference.

Profesional

Foi elixido na cuadraxésimo primeira posición do Draft da NBA de 1981 por Washington Bullets, pero foi despedido antes do comezo da tempada. Acepta entón marchar a xogar á liga española fichando polo recentemente creado equipo do Zaragoza Skol, onde se converte no primeiro xogador estranxeiro en vestir a súa camiseta. Acabou a tempada como terceiro mellor anotador e segundo reboteador da liga. Ao ano seguinte ficha polo Baskonia onde acaba como máximo anotador da competición cunha media de 30,9 puntos por partido.

Regresa en 1984 para xogar nos Evansville Thunder da CBA, onde xoga ata que en 1985 asina un contrato de 10 días cos Washington Bullets, pero só disputa dous minutos repartidos en dous partidos nos que anota dous puntos. Volve á CBA para xogar dúas tempadas nos La Crosse Catbirds, sendo en ambas as elixido no mellor quinteto da liga e convocado para disputar o All-Star Game. A súa actuación na liga fíxolle merecedor de aparecer no equipo do 50 aniversario da competición.

Coa tempada 1987-88 bastante avanzada, ficha por dez días por Los Angeles Clippers, sendo renovado até o final da mesma. Alí disputa 23 partidos, 2 como titular, nos que fai unha media de 5,8 puntos e 4,1 rebotes. A súa mellor actuación sería nun partido ante Golden State Warriors, conseguindo un dobre-dobre, con 15 puntos e 12 rebotes. Ao ano seguinte regresa a Europa, para fichar polo Pau-Orthez da liga francesa, marchándose ao ano seguinte á liga italiana fichando polo Cantine Riunite Reggio Emilia, pero só disputa dous partidos nos que fai 15,5 puntos e 6 rebotes por partido antes de ser despedido. En 1990 ficha polo Dyc Breogán de Lugo da liga ACB, onde xoga 18 partidos nos que fai unha media de 18,4 puntos e 8,6 rebotes, sendo substituído no mes de decembro por Mike Giomi.

Véxase tamén

Ligazóns externas

• Perfil na web da NBA
• Perfil na web da ACB
• Estatísticas en Basketball-reference Arquivado 30 de decembro de 2011 en Wayback Machine.