O órgano reitor da Fórmula Un, a FIA, anunciou a inclusión do Gran Premio de Gran India en outubro de 2011, pero a confirmación da carreira estará suxeita a homologación do circuíto en xullo de 2011. Estímase que custará ao redor de 169 millóns de euros, espérase que estea terminado en xuño de 2011. Terá unha lonxitude de 5´14 km e un área de 354 ha. e unha capacidade de 150.000 lugares sentados, ampliables a 200.000, mais tarde.
O circuíto vai ser unha parte dos 10 km² da Cidade Deportiva Jaypee Greens, na que está previsto incluír un estadio de cricket o Greater Noida Cricket Stadium con 100.000 asentos, un campo de golf de 18 buratos, un estadio de hóckey de 25.000 asentos e unha academia de deportes.
Espérase que un coche de Fórmula Un faga unha volta aos 5.141 m de longo do circuíto, en 1 minuto, 27.02 segundos, a unha velocidade media de 210´03 kph. Ao final da longa recta entre as curvas 3 e 4, espérase que alcancen unha velocidade máxima duns 318 kph .
Orixinalmente coñecida como "Circuíto Jaypee Group" ou "Jaypee International Race Circuit" polos propietarios do circuíto, o circuíto foi nomeado oficialmente Buddh International Circuit en abril de 2011. De acordo con Sameer Gaur, o Director Xerente e Director Executivo de Jaypee Sports Internacional, o nome derívase da palabra Buda, e representa a paz e a calma. O nome tamén é unha referencia ao distrito de Gautam Budh Nagar, no que se atopa o circuíto.
Greater Noida, Uttar Pradesh, India
Sebastian Vettel
