Cipriano Casteleiro Feal
| Biografía | |
|---|---|
| Nacemento | 12 de abril de 1913  Barallobre, España |
| Morte | 1 de outubro de 1986 (73 anos) Barallobre, España |
| Datos persoais | |
| País de nacionalidade | España |
| Actividade | |
| Ocupación | militar , político |
| Lingua | Lingua castelá |
Cipriano Antonio Casteleiro Feal, nado en Barallobre (Fene) o 12 de abril de 1913 e finado no mesmo lugar o 1 de outubro de 1986, foi un militar e político galego.
Traxectoria[editar | editar a fonte]
Entrou na Armada con 16 anos. Cabo de Artillaría afiliado á CNT. Estaba enrolado no cruceiro Blas de Lezo cando se afundiu en 1932. Co golpe de Estado do 18 de xullo de 1936 foi detido e estivo preso no buque prisión Plus Ultra, fondeado na ría de Ferrol. Conseguiu fuxir, chegando a nado a Barallobre, onde permaneceu agochado. Despois dun primeiro intento frustrado de marchar, o 21 de xullo do 1939 conseguiu embarcar en Ares con outros 26 republicanos na evasión do bou Ramón, conseguindo chegar a Francia. Ingresado nun Campo de refuxiados. Xulgado en Ferrol, foi declarado en rebeldía e fuxido. Traballou de leñador. En 1943, tras recalar no Brasil, instalouse no Uruguai. Cando morreu Franco visitou os familiares en Barallobre grazas a unha colecta familiar coa que sufragou a viaxe. En 1980 retornou definitivamente a Barallobre onde morreu o 1 de outubro de 1986, e onde foi soterrado.[1]
Notas[editar | editar a fonte]
- ↑ La Voz de Galicia, Ferrol, 3-10-1986, p. 41.