Cinta adhesiva

Na Galipedia, a Wikipedia en galego.
Saltar ata a navegación Saltar á busca
Dous tipos de cintas adhesivas.

A cinta adhesiva ou fita adhesiva é unha cinta preparada que se utiliza para unir obxectos de maneira temporal, e ás veces tamén de forma permanente, ou simplemente para cubrir un obxecto cunha película protectora.

A cinta adhesiva xeralmente preséntase en forma de rolo, e elabórase con caucho sen tratar, levando unha emulsión adhesiva por unha cara, aínda que existen variedades adhesivas por ambas as caras.

Historia[editar | editar a fonte]

A cinta adhesiva foi inventada en 1925 por Richard Drew, da empresa 3M (Minnesota Mining and Manufacturing).[1]

A cinta orixinal era unha cinta de papel coa substamncia adhesiva no dorso, e a partir desta creáronse as cintas transparentes e outras.

O invento de Drew foi comercializado como Scotch Tape.

Nomes populares[editar | editar a fonte]

Rolo de cinta adhesiva de oficina nun dispensador.

En Galicia e noutras partes de España, como na Rexión de Murcia, coñécese comunmente como celo (ou cello),[2] debido a que a primeira marca comercial en aparecer no país foi Cello-Tape.

Algo similar ocorre en zonas de Andalucía e en Canarias, onde se coñece como fixo, en referencia á marca comercial Fixo. En Málaga e en Estremadura coñécese tamén como tesafilm (ou tesafix), debido á marca comercial homónima.[Cómpre referencia]

En México popularizáronse os termos diurex e scotch, pola mesma razón. En Arxentina, Chile e Ecuador é máis usado o termo cinta scotch aínda que se pronuncia como "escoch", mentres que á grosa chámaselle cinta de embalaje.
En Venezuela tamén se chama celoven por vulgarización da marca comercial,[3] e tamén se usa comunmente o nome de teipe. E á máis grosa e de cor marrón, beigue ou incluso á transparente, chámaselle tirro de embalaje

Outros tipos de cinta adhesiva[editar | editar a fonte]

Cintas adhesivas gaffer tape.[4]

Outros tipos de cintas adnesivas, con aplicacións epecíficas, son:

Uso na arte[editar | editar a fonte]

A cinta adhesiva é utilizada por artistas contemporáneos que se inspiran nela e a usan como material de creación. Por exemplo, o francés Yorga considera a cinta adhesiva como unha aarte en si mesma.[5] E o inglés Jim Lambie utilizouna como un parterre coas cores do arco da vella, o franco-belga Olivier Blanckart creou esculturas orixinais, e o belga Gilcozar utilízaas esmagándoas sobre o lenzo.

Notas[editar | editar a fonte]

  1. Taking Scotch® Tape to New Lengths — The evolution of a household product Arquivado 04 de decembro de 2014 en Wayback Machine.. En 3M Innovation (en inglés)
  2. Definición de celo no Diccionario de la lengua española (RAE)
  3. Página web de Celoven
  4. As gaffer ou gaffer-tapes son cintas adhesivas moi anchas utilizadas polos técnicos que traballan no cinema, a televisión e os espectáculos (música, teatro etc.). Son moi resistentes, pero fáciles de cortar a man. Teñen un bo agarre, pero doadas de retirar, deixando puocos residuos. Moi versátiles, permiten colocar obxectos, pegándoos no chan ou sobre unha parede, e serven para marcar lugares se situiación, facer reparacións de urxencia etc.
  5. Yorga tisse sa toile En vivre-a-niort.com, 26 de xuño de 2012 (en francés).

Véxase tamén[editar | editar a fonte]