Christiania é un auto-proclamado territorio autónomo de aproximadamente 850 residentes, cubrindo 34 hectáreas no municipio de Christianshavn na capital dinamarquesa Copenhaguen.
Christiania é unha fonte de controversia dende a súa creación nunha vella área militar ocupada polas comunidades hippys en 1971.[1] O seu comercio de cánabo foi tolerado polas autoridades até o ano 2004. Dende entón, medidas para normalizar a posición legal da comunidade conduciron a conflitos e negociacións, que hoxe en día seguen a ser un foco de discusión, con frecuentes redadas da policía na zona.
Dun punto de vista oficial, Christiania é decote considerada unha comuna grande, pero a súa relación coas autoridades ten unha posición exclusiva ao ser regulada por unha lei especial, a Lei Christiania de 1989 mediante a cal ficou administrativamente separada do municipio de Copenhaguen.
.png?lang=gl)
