Chocolate branco

Na Galipedia, a Wikipedia en galego.
Saltar ata a navegación Saltar á procura
Chocolate branco

O chocolate branco é un produto doce obtido da mestura de manteiga de cacao, leite en po ou produtos lácteos e azucre[1] (59,4%) e esencia de vainilla.[2] Inventado en Suíza após a Primeira Guerra Mundial, foi divulgado nos anos 80 pola Nestlé.

O punto de fusión da manteiga de cacao é elevado de abondo para manter o chocolate branco sólido a temperatura ambiente, mais suficientemente baixo como para facer que se funda na boca. En troques da cor normalmente escura do chocolate, o chocolate branco é amarelado claro ou marfil, o que ás veces leva a pensar que non contén cacao. O cacao engádese en forma de manteiga no canto de sólidos, polo que houbo certa discusión sobre se o chocolate branco é chocolate auténtico.

Historia[editar | editar a fonte]

O chocolate branco é un composto realizado por graxa hidropónica con aromatizantes e saborizantes. Foi introducido por vez primeira en Suíza uns poucos anos após a Primeira Guerra Mundial. O primeiro foi producido en 1930 pola compañía Nestlé nunha barriña chamada Galak (Milkybar). Un ano despois, M&M Candy introduciu nos Estados Unidos este tipo de chocolate, fabricándoo en Novo Hampshire. En 1948 a Nestlé lanzou a barra Alpine White contendo chocolate branco e améndoa picada.

Efectos na saúde[editar | editar a fonte]

Por mor de que non contén sólidos de cacao, o chocolate branco apenas contén vestixios de teobromina, un composto químico que dá a outros tipos de chocolate a súa característica cor marrón. Isto significa que o chocolate branco pode ser consumido por aqueles que deben evitala por motivos médicos. En contraste co chocolate branco, o negro contén unha gran cantidade desta substancia.[3]

O chocolate branco só contén vestixios da cafeína presente nos sólidos de cacao.

Notas[editar | editar a fonte]

  1. Definición en VV. AA. (2012) Dicionario de alimentación e restauración, Santiago de Compostela, Termigal. Xunta de Galicia, Real Academia Galega
  2. Revista Galileu. "A delícia sagrada". Consultado o 30/12/2009. 
  3. Kummer, Corby (21 de decembro de 1988). "America Is Going Sweet on White Chocolate". New York Times (en inglés). Consultado o 3 de decembro de 2009. 

Véxase tamén[editar | editar a fonte]

Outros artigos[editar | editar a fonte]