Causa

Na Galipedia, a Wikipedia en galego.
Saltar ata a navegación Saltar á procura


A Causa, Causa á limeña ou Causa limeña é un prato frío aborixe da gastronomía de Perú. Hoxe demándana tanto turistas coma peruanos, pola súa historia e sabor. As cidades nas que é máis famosa son Lima e Trujillo.

Historia[editar | editar a fonte]

A historia do prato e do nome aínda se discute hoxe. Unha das hipóteses remóntase á época precolombina. Dise que a palabra vén do quechua Kausay, que significa 'vida', 'dador de vida' ou 'sustento necesario', entre outras acepcións. Os incas preparábano amasando pataca amarela e ají, unha especie de chile picante autóctono.

Por outra banda, están as hipóteses da orixe colonial. Durante o Virreinato español (séculos XVI-XIX) agregóuselle limón pola influencia asiática na cociña peruana. Segundo algúns historiadores, o seu nome provén da loita pola independencia. José de San Martín, militar e político revolucionario, encargoulle un convite a un cociñeiro para recibir a Simón Bolívar, O Libertador. A comida que se serviu constaba dun prato preparado a base de pataca, ají, peixe e limón. San Martín, antes de comezar o banquete, brindou pregoando: <<¡Por la causa! El Perú desde este momento es libre e independiente por la voluntad general de los pueblos y por la justicia de su causa, que Dios defiende.>>[1]

Así o volveron facer o durante a Guerra do Pacífico, que enfrontou nun conflicto bélico a Perú e Bolivia contra Chile. O pobo botouse á rúa para vender este prato e así recadar diñeiro para o exército.

Actualidade[editar | editar a fonte]

Hoxe é un prato moi demandado. Pódese atopar nas rúas, pregoado polas <<causeras>> (as mulleres que o preparan) ou na alta cociña. A elaboración na actualidade cambiou bastante. Adoita facerse con pataca amarela (en Perú hai máis de 3500 tipos de tubérculos). Este ingrediente e o ají son imprescindíbeis. Despois pode agregárselle polo, atún, troita ou marisco, maionesa, aguacate, olivas negras, apio, leituga para decorar...

Referencias[editar | editar a fonte]

1. Fetzer, Erika (2 de abril de 2004). Sabores del Perú: la cocina peruana desde los incas hasta nuestros días. Viena. p. 37. ISBN 9788483302491. Consultado o 29 de abril de 2019.
2. Tam Fox, Aída (1 de xaneiro de 2010). Vocabulario de la cocina limeña: historia y tradición. Casa del Libro Viejo. p. 91. ISBN 9786124533662. Consultado o 29 de abril de 2019.
3. Coloma Porcari, César (23 de febreiro de 2004). «Una buena causa». El Comercio (Lima). p. e-2. Consultado o 29 de abril de 2019.
4. «Causa a la limeña: conozca la historia de este platillo nacional». Panamericana Televisión. 25 de julio de 2013. Consultado o 11 de febrero de 2019.
5. Moreira, Marta (24 de marzo de 2017). «Todo sobre la causa limeña, el plato de la revolución nacional peruana que nos vuelve locos». valenciaplaza.com. Consultado o 29 de abril de 2019.
6.«Causa con sabor a Perú». La República. 27 de julio de 2017. Consultado o 29 de abril de 2019.
7. Palma, Ricardo (1 de xaneiro de 2005). Epistolario general. Universidad Ricardo Palma, Editorial Universitaria. ISBN 9789972885938. Consultado o 29 de abril de 2019.
8. Carrillo, Enrique (1905). Cartas de un turista. Lima: Imprenta La Industria. «justo es decir, sin embargo, que algunos de ellos tienen grato sabor y atractivo aspecto; y que una causa amarilla y jugosa rodeada de negras aceitunas y menudas tajadas de huevo duro y coronada por un hermoso ají rojo, es un manjar exquisito y que grita: comedme».

9. Hinostroza, Rodolfo (2006). Primicias de cocina Peruana. León (España): Everest. p. 148. ISBN 84-241-1480-9. Consultado o 29 de abril de 2019.

  1. "Declaración de Independencia del Perú" (en castelán). 2019-05-01.