Catedral de Oviedo

Catedral de Oviedo
Oviedo
Instancia de catedral católica igrexa monumento basílica menor  Parte de Monumentos de Oviedo e do Reino de Asturias Catedral de San Salvador e Cámara Santa  Nome orixinal Catedral Metropolitana Basílica de San Salvador (es)
Características  Estilo arquitectura gótica  Relixión catolicismo  Contén Wamba
Implicados  Arquitecto/a Rodrigo Gil de Hontañón  Diocese Arquidiocese católica latina de Oviedo
Datas  Fundación / creación século VIII
Historia 20 de agosto de 1872 De titulo Basilicae Minoris
Cifras e dimensións Altitude 232 m
Localización  Situado en Oviedo, provincia de Asturias, Asturias, España  Coordenadas 43°21′45″N 5°50′35″O
Patrimonio Ben de Interese Cultural Data 3 de xuño de 1931 Identificador RI-51-0000785
Códigos e identificadores VIAF 130193680 ISNI 0000000089329435 Freebase /m/077263
Fontes e ligazóns  Páxina WEB catedraldeoviedo.com
Wikidata C:Commons

A Santa Igrexa Basílica Catedral Metropolitana de San Salvador de Oviedo é unha catedral de estilo gótico situada na cidade de Oviedo (Principado de Asturias). É coñecida tamén como Sancta Ovetensis, referíndose á calidade e cantidade das reliquias que contén. Comezou a edificarse a finais do século XIII pola sala capitular e o claustro, e a súa construción prolongouse durante tres séculos ata o remate da torre a mediados do século XVI. Posteriormente engadiríase un deambulatorio no século XVII ademais de diversas capelas anexas ás naves laterais.

A igrexa está emprazada no lugar do anterior conxunto catedralicio prerrománico do século IX, algún de cuxos edificios sobreviviron. Por esta razón e o dilatado da construción do edificio actual, este contén estruturas de estilo prerrománico (Cámara Santa), románico (bóvedas e apostolado da Cámara Santa), renacentista (remate da torre) e barroco (Deambulatorio, Capela do Rei Casto e outras capelas).

A Cámara Santa, do século IX, está declarada Patrimonio da Humanidade pola Unesco e alberga as xoias máis prezadas da catedral: as cruces da Vitoria e dos Anxos, símbolos de Asturias e da cidade de Oviedo respectivamente, a Caixa das Ágatas e o Arca Santa que contén un gran número de reliquias entre as que se encontra o Santo Sudario.

Galería de imaxes

• 
  Pórtico
• 
  Torre
• 
  Porta principal
• 
  Claustro

Véxase tamén

Ligazóns externas

• Páxina oficial da Catedral (en castelán)