Castro da Peneda
Coordenadas: 42°19′38″N 8°35′26″O / 42.327242603546, -8.5906819271475
| Castro da Peneda | |
|---|---|
 Monte da Peneda | |
| Parroquia | O Viso |
| Concello | Redondela |
| Provincia | Pontevedra |
| Comunidade autónoma | Galicia |
| Id. catálogo | GA36053001 |
| Cronoloxía | |
| Datas de ocupación | Idade de Ferro |
| Estado actual | Regular |
| Véxase tamén | |
| Castros de Galicia | |
O Castro da Peneda é un sitio arqueolóxico como resultado do asentamento da cultura castrexa en Galicia. Está situado na parroquia redondelá do Viso.
O estado de conservación é ruinoso. Apenas se atopan restos da súa muralla e de tres vivendas circulares. Posteriormente na localización do castro construíronse outros edificios como o castelo de Castrizán, do que hoxe só se conservan restos da muralla; ou a capela da Virxe das Neves, que se conserva relativamente ben.
Descrición
[editar | editar a fonte]A muralla arrodea o castro percorre paralela á estrada que sube ao monte da Peneda. Da muralla apenas se conservan algúns tramos e está formada por pedras de orixe granítica. Consta de dúas fileiras de pedras de gran tamaño e separadas por uns centímetros entre si. Entre ambas filas está recheo de pedras menores e terra[1].
Ademais da muralla, consérvanse tres vivendas circulares de 3,30, 3,60 e 4,60 metros de diámetro.
Tamén, por último, consérvanse restos do que puido ter sido unha mina.
Obxectos
[editar | editar a fonte]No Museo de Pontevedra exhíbense diversos obxectos atopados en escavacións do castro. Entre elas destacan un caldeiro de bronce e varios utensilios de cociña (coitelos, alfinetes, fibelas), machadas, muíños e varios obxectos de cerámica.[2]
Notas
[editar | editar a fonte]- ↑ Castro da Peneda na páxina web colaborativa Patrimonio Galego.
- ↑ Couñago, Xosé. Elementos da prehistoria de Redondela.