Castelo de San Diego

Na Galipedia, a Wikipedia en galego.
Saltar ata a navegación Saltar á procura

Coordenadas: 43°21′22″N 8°23′30″O / 43.35618, -8.39164

Plano do castelo de San Diego a finais do século XVIII

O Castelo de San Diego foi un recinto fortificado situado á entrada da baía da Coruña. Foi construído entre 1606 e 1636, e xunto co Castelo de Santo Antón formaba parte do complexo defensivo da cidade. Inicialmente chamouse Castelo de San Gaspar, aínda que a partir de 1644 xa se coñeceu como Castelo de San Diego.[1]

Segundo a descrición do cronista José Cornide, tratábase dunha construción poligonal adaptada ao saínte rochoso no que se asentaba, con dúas plataformas de artillería e distintas dependencias agrupadas no centro, nas que se atopaban os corpos de garda, o almacén, a capela, a polvoreira e o cuartel. Este forte abaluartado contaba cunha dotación artilleira de 30 canóns.[1]

Nas crónicas do ataque franco-holandés á Coruña en 1639 (Guerra franco-española de 1635-1659) xa se falaba da eficacia desta nova fortificación e da súa efectividade artilleira contra a escuadra do almirante Sourdis. Como barreira defensiva adicional, entre o Castelo de San Diego e o Castelo de Santo Antón tendíase unha cadea que bloqueaba o acceso ao porto da cidade.[1]

En 1963 o Castelo de San Diego foi derruído co obxectivo de ampliar as instalacións portuarias, modificándose o litoral neste lugar para a construción dun peirao petroleiro.[2]

Notas[editar | editar a fonte]

  1. 1,0 1,1 1,2 Fernández, Carlos (23 de decembro de 2000). "El castillo de San Diego fue demolido hace 35 años para ampliar los muelles". La Voz de Galicia (en castelán). Consultado o 1 de abril de 2021. 
  2. "Castelo de San Diego: El castillo con el que acabó el petróleo". La Opinion A Coruña (en castelán). Consultado o 1 de abril de 2021. 

Véxase tamén[editar | editar a fonte]

Ligazóns externas[editar | editar a fonte]