Caro

Na Galipedia, a Wikipedia en galego.
Saltar ata a navegación Saltar á procura
Caro
Carus.jpg
Áureo do emperador Caro.
Nome completoMarcus Aurelius Carus Augustus
Nacemento222
 Narbo, Gallia Narbonensis
Falecementoxullo ou agosto de 283 (61 anos)
 alén do río Tigris, Mesopotamia
CausaRelampo
NacionalidadeRoma Antiga
Relixiónrelixión na Roma antiga
Ocupaciónpolítico e militar
FillosCarino e Numeriano
Períodoentre o 282 e o 283
editar datos en Wikidata ]
Antoniniano de Marco Aurelio Caro.

Caro (en latín: Marcus Aurelius Carus)[1][2] nado en Narbo en 222,[3] e finado alén do río Tigris en xullo ou agosto de 283, foi emperador de Roma de 282 a 283. Home versado na literatura latina, foi educado en Roma e ocupou diversos cargos civis e militares. No 282 foi nomeado como prefecto do pretorio.

Co asasinato de Probo preto de Sirmium, Caro foi nomeado emperador polas lexións, ás cales gañara coa súa honestidade e talento. Foi o primeiro emperador que prescindiu da confirmación do Senado, que aínda que se convertera nun costume, xa non tiña validez. Acusaronno de ser permisivo co asasinato de Probo, aínda que non participara nel.

Nomeou aos seus fillos Carino e Numeriano coma Césares, enviando a Carino para loitar ás Galias e encarregarse dos asuntos occidentais, xa que el, xunto co seu outro fillo, se dirixiu a loitar contra os persas na mesma expedición que organizara Probo.

Venceu aos sármatas e continuou a loita contra o rei dos persas, Varanes II (Vahram II), ao que logrou vencer, conquistando Mesopotamia e poñendo sitio de novo a Ctesifonte no 283.

Caro disfrutou pouco tempo das vitorias, xa que a finais de xullo do 283 morreu repentinamente. Non se sabe o motivo desta. Para uns, foi debido a un raio estando no campo de batalla; para outros, a consecuencia das feridas recibidas nas loitas en Ctesifonte; mentres que uns últimos estiman que puido ser asasinado por orde do prefecto do pretorio, Arrio Aper, que non estaba de acordo en continuar as loitas mais aló do Tigris. Con el cúmprese a profecía persa de que os emperadores que cruzaban o Tigris morrían, xa que a fronteira do imperio romano estaba no río.

O seu fillo Numeriano, foi nomeado augustus e continuou as loitas mais aló do Tigris deica chegar a un acordo de paz cos persas.

Imperio Romano

Segue a:
Probo
Caro
Precede a:
Numeriano e Carino
Emperadores Ilirios

Notas[editar | editar a fonte]

  1. En latín, o nome de Caro escribiríase MARCVS AVRELIVS CARVS AVGVSTVS.
  2. Jones, páx. 183
  3. Canduci, páx. 105

Véxase tamén[editar | editar a fonte]

Bibliografía[editar | editar a fonte]

  • Jones, A.H.M., Martindale, J.R. The Prosopography of the Later Roman Empire, Vol. I: AD260-395, Cambridge University Press, 1971
  • Southern, Pat. The Roman Empire from Severus to Constantine, Routledge, 2001
  • Canduci, Alexander (2010). Triumph & Tragedy: The Rise and Fall of Rome's Immortal Emperors. Pier 9. ISBN 978-1-74196-598-8. 
  • Gibbon. Edward Decline & Fall of the Roman Empire (1888)