Carnival of Light é o terceiro álbum de estudio da banda británica de rock Ride, publicado o 20 de xuño de 1994 a través do selo Creation Records. O disco chámase así pola canción dos Beatles co mesmo nome. O álbum amosa o cambio do grupo do shoegazing cara a un son folk rock máis tradicional.[1] Non foi ben recibido pola crítica, e cara finais de 1994 incluso os membros da banda desilusionáronse, referíndose a el entre eles como "Carnival of Shite",[2] aínda qu nunha entrevista de 2022 Andy Bell dixo que "fixen as paces con el. Ten moitas cancións boas, como Moonlight Medicine e Birdman".[3]